Nəhcul-Bəlağə pand iyən hikməton-28

Nəhcul-Bəlağə pand iyən hikməton

Nəhcul-Bəlağə 31-ə hikmətədə Əmirəl-Muminin Həzrət Əli(ə) çı imoni ərkon iyən sutunon izoh doydə. bə imoni məsələ iyən bə çın hikməti komiləti dığğət kardə holədə,bə ın fik dəşimon ki,ın hikməti şəş ğısmətədə bəşmə xıdmət bırosnəmon.bın bərnomədə əmə bə ədoləti rukn və sutuni işorə kardedəmon.

Əmirəl-Muminin Həzrət Əli(ə) 31-ə hikmətədə çı imon iyən kufri bəyoni bədiqə,bə şəkki şoxə iyən xıçəon işorə kardedə və hamyedə:”vəşşəkku...şəkk həm bə çoqlə sutuni əsose:de inodkorəti umuj qıniyə bə bemənoə bəhs iyən votemoni adət kardey.dıminə qıləyni çı nəvemon iyən təhğığiku bıə tars.seminə qıləyni vəsvasəti və oxonə qıləyni həm çı şəhvəton mığobilədə təslim bıey iyən be hərəkət mandey....

Bə insoni din iyən imoni xərob bıey boyis bıə çiyonku qıləyni,şəkke.həlbəttə qıləy şəkk ki,fik iyən təhğıği perosneydə,vey ğəşənq iyən bə ehtıromi loyığe və bə dini etığodon ğoyməti səbəb beydə.əmmo qıləy şəkk ki,çı ağl iyən fiki əsosonku bə diyəro bıbu və insoni bə inhirofi səmt bışıkırno,bəçəy din iyən dınyo məhfəti boyis bəbe.bəhisob İmom Əli(ə) bın boho ğeymətin və erjinə hikmətədə çın həyğəti bəyonədə ibtido bəçəy sərçeşməon işorə kardedə,peşo de şəkki ın çoqlə yavə unsuron har qıləyni təsiron şərhi koy məşğul beydə və hamyedə:”fəmən cəələ...əkəs ki,bemənoə bəhs iyən votemoni boştə adət ğərol bıdo,çı şəkki zılmət tiyən toykiyəti əy bə yəğıni ruşinəti səmt nibərosne”.zira bevəc iyən yavə vərdış,bə elm iyən yəğıni rəsey koy mane beydə və həyğətədə,çəy de yəğıni miyono qıləy təhlukəninə hicob və sədd icod kardedə.

Əmirəl-Muminin Həzrət Əli(ə) çı şəkki soybon dıminə iyən seminə yavə sıfəton bəyonədə jıqo hamyedə:”vəmən haləhu..əkəs ki,çəy vədə bıə muşikoton həyğətonku vəhşət bıko,bıtarso və çı səhih iyən dırıstə ğəroliku pərhizko,bə dumo pekıreydə və əkəs ki,dıdıləti iyən şəki dılədə bımando və ğərol bekardeyədə vasvasəti bıko,çı şəytonon zəhri jiyədə hırd bəbe”.İmom Əli(ə) bemənoə vasvasəti iyən dıdıləti qıləy şəytoniyə ko hisob kardedə ki,insoni bə məhfəti səmt bardedə.əmə həmmə ın mətləbımon fiki vasvasətişon bıə fərdonədə vindəmone və mışohidə kardəmone.əvon hiçvaxti bənə Xıdopərəstəti bıə vazeh və oşkoə məsələon həxədə qıləy ğətiyyətinə ğərol bekon və çəy piyo isrorkon.

İmom Əli(ə) çın hikməti oxoyədə çın cur fərdon əxloği rəziləton barədə jıqo hamyedə:”vəmən istəsləmə ....ikəs ki,dıno iyən axırətədə ıştə həlokəti amilon mığobilədə təslim bıbu və de şəkk iyən şubhə mıborizə koy məşğul bıbu,har dıqlə dınyoədə həlok bəbe”.əmə zıneydəmon ki,cın iyən insi şəytonon səy kardedən ki,fərdon çəvon əğedə və dinədə bə şəkk iyən şubhəon səmt bışıkırnon.ehanə inson çəvon mığobilədə de məntıği iyən rasionalə difo və mıdofiyə koy məşğul bıbu,bə həmonə şubhəon ğalib omey bəzıne.əmmo dayima behərəkət mandə tarsovə fərdon bənə sıvıkə kıləşi ki,çı tındəvo mığobilədə ğərol qəteydə,har ruj bə iqlə səmt şıkırney beydən,ıştə həxə əğedə vıjney zıneydənin iyən dırıst iyən səhihə məsir iyən royədə qıləy mehkəm və ğoymə qəm peqətey zıneydənin.....