İron və Çini xarici koon vəziron miyono telefonə votemon bıə
İron və Çini xarici koon vəziron miyono telefonə votemon bıə
İron və Çini xarici koon vəziron miyono telefonə votemon bıə
İron və Çini xarici koon vəziron miyono telefonə votemon bıə.İron və Çini xarici koon vəziron dı tərəfinə mınosibəton oxonə vəziyyət iyən beynəlxalğə məsələon ətrofədə fiki mıbodiləşon bardə.İroni Xarici koon vəzərotxonə İnformasiya sər İdorə məlumoti əsos,İroni Xarici koon vəzir Huseyn Əmir Əbdullahiyan I şambə ruji de Çini xarici koon vəzir Vanq Yi telefonə votemonədə əy ijən sənibəton bə xarici koon vəziri vəzifə təyin bıey mınosibəti təbrikış karde və bə İron iyən Çini miyono əloğəon mısbətə ğıymətış doe.
İroni Xarici koon vəzir həmçinin İron İslom Respublikə və Çini prezidenton miyono roziyətiyon bə jimon dəvordıneyədə bə dast omə çokə inkişofonış işorə kardə holədə,25 sornə hartərəfinə həmkoəti proqrami bənav bardey həxədə təkidış karde. Çinin xarici koon vəzir həm Pekin və Tehroni miyono strateji mınosibəton mısbətə ğıymət doə holədə,Çini Cənubi Afrikadə dəvordınə bıə BRİKS sammiti və deçəy uzvon hevuj kardey əloğədor məsələon nəzəku dəvordınəşone.Vanq Yi bə “iqlə kəmərbənd,iqlə ro” təşəbbısi işorəş kardə və İronış çın təşəbbısi muhimmə uzvış zınə.əv çı İron İslom Respublikə vədə omə “iqlə kəmərbənd, iqlə ro” sammitədə iştioakış vocib hisobış karde.Çini xarici koon vəzir Huseyn Əmir Əbdullahiyani bə Səudiyyə Ərəbıstoni bıə səfəku və çı İron-Səudiyyə Ərəbıstoni rabitəon inkişofıku ıştə roziyətiş ifodə kardə.
