Pars Today

Huseyn Əmir Əbdullahiyani bə de Əlcəzayir mıxtəlifə cəhətonədə əloğəon inkişofi təkid

 Huseyn Əmir Əbdullahiyani bə de Əlcəzayir mıxtəlifə cəhətonədə əloğəon inkişofi təkid. İroni xarici koon vəzir Huseyn Əmir Əbdullahiyani Əlcəzayir Milli Məclisi sədri İbreyim Boğali vindemonədə İron iyən Əlcəzayiri miyono siyosi əloğəon barzə səviyyə işorə kardə holədə,Tehroni bə de Əlcəzayiri mıxtəlifə aspektonədə əloğəon xısusən ixtisodi,ticorət iyən turizm sahədə inkişof doey irodə təkidışon kardə.bə İRNA məlumoti əsos;Əmir Əbdullahiyan bın vindemonədə həmçinin çı Əlcəzayiri  milləti de mıstəmləkəçiyon mıborizə və bə Fələstini xalği dastəki səyon barzış zınə və oxonə zəmononədə bə İslomi mığəddəsoton ələyh təhğıronış məhkum kardə və bə İslomi məmləkəton məclison islomofobiya və bəçəvon bə İslomi mığəddəsoton zidd təhğıron mıborizədə bıə roliş işorə kardə.Əv bə İron iyən Əlcəzayiri İslomi mığəddəsə məkonon və bə Kərimə-Ğıroni zidd oxonə təhğıron məhkum kardero çı İslomi parlamenton rəhbəron virtual iclosi təşkilışon vocib zıne.Bın vindemonədə Əlcəzayiri Milli Məclisi sədr həm çandə qılə ziyodə beynəlxalğə məsələonədə çı dıqlə məmləkəti mıştərəkə fikon işorə kardə holədə,Əlcəzayiri çı İMT Əmniyyət Şurədə uzvəti dastək doeyro bə İron İslom Respublikə təşəkkur kardəşe və bə dıqlə kişfəri miyono rabitəon xısusən bə ixtisodi və ticorət əloğəon və çı parlamenti əloğəon inkişofı təkid kardəşe.bın vindemonədə Boğali Şahçerağda bə əməl omə oxonə terror hodisə və əyo beqınoə insonon hədəf qəteyış məhkum kardə.Əlcəzayiri parlamenti sədri həmçinin İslom dınyo veyə behron və problemonədə bə seonist rejimi xərobəkə roli işorə kardə holədə,çəy məmləkəti bə Fələstin milləti ədolətinə həxon bə jimon dəvordıney və real bıey bıə dastəki təkidış karde.