Nəhcul-Bəlağə pand iyən hikməton..
Nəhcul-Bəlağə pand iyən hikməton
Nəhcul-Bəlağə pand iyən hikməton
Və ğalə(ə):”La ğina kələğli...hiç qıləy beniyozəti iyən be ehtiyocəti bənə ağli və hiç qıləy səfiləti iyən bədbəxtəti bənə cəholəti və huç qıləy irs ədəbi iyən hiç qıləy himoyə bənə məşvərəti nibəbe”.
Əmirəl-Muminin Həzrət Əli(ə) bın həkimonədə hikmətədə bə çoqlə muhimmə mətləbi işorə kardedə və hamyedə:”La ğina kələğli...hiç qıləy beniyozəti iyən be ehtiyocəti bənə ağli və hiç qıləy səfiləti iyən bədbəxtəti bənə cəholəti və huç qıləy irs ədəbi iyən hiç qıləy himoyə bənə məşvərəti nibəbe”.
İmom Əli(ə) bın boho ğeymətinə hikməti 1 iyən 2-ə kəlomədə çe fəğrəti iyən ehtiyocəti meyori bəyon kardedə.bərosti çe fəğrəti iyən ehtiyocəti meyor iyən mizon çiçe?.aya çe beniyozəti iyən ərbobəti meyor bə ziyodə sərvət iyən molon soyb bıeye və ya fəğrətio meyor sərvət iyən molon soyb nıbıeye vəyaxud co qıləy məsələy?.
Ağl iyən nodonəti barədə veyə ayəon iyən rəvoyəton varid bıə.joqo ki,Mulki mıborəkə surə 10-ə şərifə ayədə omə:əzobi firiştəon nozil beyədə çe cəhəndımi əhliku sıvol bəkardeyn ki,çıro bə cəhəndımi daxil bıəyon.cəhəndımi əhli cəvobonku qıləyni ıme:”ləov kunna....ehyanə məsəmonbe iyən ıştə ağliku okomon doəbe,çe cəhəndımi əhl niəbemon”.bəçəy əsos ağl boyis beydə ki,inson Xıdovəndi pərəstışko və de ın roy vositə bə vəhışti dast pəydukon.çe ağli xıslət ıme ki,çe nodonon cohilonə rəftoron mığobilədə bəştə nisbətədə səbr iyən hovsələ nışon doydə və bəy sıtəm kardə kəson nisbətədə çəvon qınonku dəvardedə.ağılmandə inson de fıtnə dimbədi omeyədə bə Xıdo pənoh bardedə və ıştə dast iyən zıvoni oqəteydə və havaxti qıləy fəzilət vindeyədə əy ğənimət hisob kardedə və şərm iyən həyo çəyku co beydəni...
Əmirəl-Muminin Həzrət Əli(ə) çın hikməti seminə cumlədə jıqo hamyedə:hiç qıləy irs bənə ədəbi ni.çe ədəbiku mənzur iyən məğsəd de milləti husni-muıoşirət və çokə rəftor iyən de həmmə kəson pəsəndidə rəftore.torıxədə omə ki,İmom Əli(ə) de Şami ostandor mıoviyə canqi miyono sərəse ki,çə həzrəti nezə əshobonku dı nəfər oşkoə holədə bə Şami əhli nəhlət votedəbin.ə həzrəti ikəsış çəvon palu vığandeşe ta bəvon bıvoto ki,çın koyku dast bıkəşon.əvon de təəccıbi bə İmomi(ə) nəzd omin iyən ərzışon karde:ha Əmirəl-Muminin ha!aya əmə həxədə nimon?ə həzrəti hamyeşe:bəle.ərzışon karde:çən,çıro tı əməni bəvon do-dojmon iyən nəhlət kardey koyku ğədəğən kardedəş?.ə həzrəti bəvon xitobən hamyeşe: az pəsənd kardedənim ki,şımə çe do-dojmon doə iyən nəhlət kardə kəsonku bıbənən.bəlkəm veyçoke ki,şımə çəvon noloyığə əməlon bəyod biyən və bıvotən:min cumlə çəvon yavə siyrə və rəftoronku ım be ya əve.ım vey çok iyən veynufuzəkə dəlil iyən istidlole.mı çımonku vey xoşım omeydə və boşımə vey çoke.əvon voteşone:ha Əmirəl-Muminin ha!şımə nəstə iyən pandon ğəbul kardemone iyən deşmə ədəbi əmə həm ədəbin bimon”.
