İmom Həsən Əskəri(ə)
İmom Həsən Əskəri(ə)
İmom Həsən Əskəri(ə)
İmom Hadi(ə) zoonku qıləyni ki,çəy nom Muhəmməd be,qıləy zəmon ki,bəfotış karde,çə həzrəti şiəyon iyən duston ki.Əbdul-Mıtəllib iyən Bəni Haşımiku xanedaniku təğribən sa penco nəfər İmom Hadi(ə) mənzilədə qırdə bin iyən bə ə həzrəti təsliyyət doşone.bən zəmon qıləy cəvon bə məclisi varid be və çe İmom Hadi(ə) rostə tərəfədə nışte.İmom(ə) bəy hamyeşe:ya bəni ihdəs Allah əzzə və cəllə şukrən.fəğəd əhdəsə fikə əmra.ha çımı zoə ha!bə Xıdo şukrkə ki,ıştı barədə bə əməl vardəşe.(imoməti məğamış bətı asbardeşe). Həmonə cıvoni bə Xıdovəndi şukrış karde və voteşe:həmd iyən şık bıbu bə Xıdo ki,aləmon pərvərdıqore.və mı şımə tərəfiku Xıdo dərqoyku bəmı ıştə neməton komil kardeyım piyedə”.
Əyo hozzı bıə kəsonku kali qıləyni əvışon zıneydənıbin.əve dəparseşone:ın cıvon kiye?votey be:Əv Həsən çemı coqlə zoə İmom Hadiye.həmonə ruji həmonə məclsiədə bıə şəxson ıştə yonzəminə imom ki,təğribən 20 sinnış hestebe,zıneşone və dərəsin ki,İmom Hadi(ə) bəştə fərzənd Həsəni(ə) imoməti işorəş karde,əvış ıştə canişınış elon kardə.təbrik.....
Şiəyon yonzəminə rəhbər bıə İmom Həsən Əskəri(ə) Hicri-Ğəməri 232-ə sori bə dınyo ome.çəy buzurquvarə pı daminə imom həzrəte Hadi(ə) iyən çəy moə qıləy təğvanin iyən ləyoğətinə banu Hudeysəy ki,kali şəxson əy de Susəni nomi zıneydən.ın azizə banu qıləy İslomi vindemon iyən çokə ko soyb bıə xanım be.joqo ki,İmom Həsən Əskəri(ə) şəhodəti bədiqə həmonə buzurquvarə xanım həmonə behroni iyən de istirobi pur bıə zəmonədə bo şiəyon bənə qıləy pənohqo iyən peştıpur bıə kəsi unvoni bə hisob omeydəbe.
Çun ki,Şiəyon yonzəminə rəhbər de əbbosi xəlifə dəstur iyən əmri Samirrə şəhrədə qıləy hərbi məntəğədə Əskər məhəllədə məcburi surətədə jinon kardedəbe və de hukuməti təvəssuti çe nəzorəti jiyədə oqətey beydəbe.bə ə həzrəti Əskəri ləğəbışon doəbe.ımruj həm İmom Həsən Əskəri(ə) iyən çə həzrəti buzurquvarə pı ziyorət bın şərayitədə bə əməl omeydə və çə həzrəti mıborəkə vucudi məkon ımruj ijən həm noəmn iyən qıləy saxtə vırəy.bəçəy xoto Samirrə hərəm bə İrağədə bıə şiyə coqlə imomon nisbətədə vey xəlvət iyən kamə zuvvorış bıə məkone.bə əmniyyəti məsələon iyən ro diyəro bıey xoto,zayiron iyon kam omeydən və yaxud kamə ləzon və anon iyo dəvordıneydən....
