Osmoniyə surəon-37

Osmoniyə surəon-37

قَالَ يَا قَوْمِ أَرَأَيْتُمْ إِن كُنتُ عَلَى بَيِّنَةٍ مِّن رَّبِّيَ وَآتَانِي رَحْمَةً مِّنْ عِندِهِ فَعُمِّيَتْ عَلَيْكُمْ أَنُلْزِمُكُمُوهَا وَأَنتُمْ لَهَا كَارِهُونَ (28)

 (Nuh bəştə ğovmi)Voteşe:ayə bıvindon ki,az ıştə pərvərdıqori tərəfiyo de qıləy ruşinə dəlili(oməm) iyən əv bəmı ıştəku  boşımə məxfi bıə (peyğombərəti xısusiyyət) bıə rəhmət əto kardəşe.(ayə ijən itoət nibəkayon?) ayə şımə ikrahon bıə çi ğəbul kardeyro şıməni vadarkəmon?

Nuh(ə) bəşəv-bəruj deştə ğovmi hidoyəti ko məşğul be iyən boçəvon irşodiro çı har qıləy fırsətiku oko doydəbe ta ğasbu əvvon çı ğəfləti haniku oğo bıbon.əmmo əvon de isrori ıştə mıxolifətədə mandedəbin iyən yoləşəxəti kardedəbin.deməkə ki,Nuh(ə) ıştə dəvətiku dast kəşedə nıbe,əmmo əvon həm bəçəy hiç qıləy sıxani quş doydə nıbin.əvon voteşone:ha Nuh ha! Tı bo əmə vey moyizə hande,həni bo bəhs iyən mıbohisə kardero qıləy vırə mandə ni.ehanə tı rost votedəşbu,jəqoədə tı bəştə çəmə bıə barədə ilahi əzobi  və`də əməlkə.çı kofiron deəvon de lutf iyən məhəbbəti iyən de dıləsutəti rəftor kardə iyən əvoni nicot doey dumo bıə Nih(ə)-i ım rəftori şivə,çə ğovmi nodonəti iyən təəssıbiku hikoyət kardedəbe.ha holədə kamə şəxson bəçəy dəsturon pemandin iyən bəy tabe bin.bın zəmon bə Nuh(ə)-i vəhy be ki,ğə

rəz bətı imon vardə kamə dastəsə co odəmon həni hiçki bəti nipebəmande.ilahi ın mesaj bə ın həyğəti işorə kardedə ki,həni çəy boştə ğovmi dəvət kardey hiç qıləy foydəş ni və həni bo həx-hisob iyən oxonə inğılobi hozzı bıey lozıme.

Və(ısət)çəmə nəzə jiyədə bəçəmə əmri və ilhomi əsos qıləy kəşti bısoxt və çı sıtəm kardə kəson barədə demı sıxan məvot ki,əvon ğərğ bıənine.37

Nuh(ə) binoş karde bo kəşti soxtey və çəy hezoperomə ğovmi bə cəzor soney əmr sadir be. siyu iyən ğəlizə avəon qırd osmonış dəqəte.həmmə vırədə avəğurə iyən avəçəkə sədo bə quş rəsedəbe iyən ım dumo yənde bıə osmoni ğur-ğur həmmə tərəfış ruşin kardəbe.osmonədə bıə ım sədo çı qıləy dıjd iyən dəhşətinə hodisəku xəbə doydbe.osmoniku rəyrə tınd iyən tijə voş bə həmmə tərəfi pevolo be.jıqo bızın osmoni bəon oj bıəbe.co tərəfiku zəmini jiyədə bıə ovon bəpe rost bin və har qıləy vırəku çeşmə qıledəbe.qədə-qədə zəmini dimi qırd ovi eqəte və zəmin bənə qıləy dıjdə okeyani bıəbe.de ovi bəpe omey,kəşti zəminiku co be və qədə-qədə tındə voon qıniye iyən bənə bandi bıə ləpəon bə əməl oməbe.Nuh(ə)-i kəşti bə hərəkət eqıniye iyən qədə-qədə dıjdə ovon poə kardə holədə bəştə roy dəvom doydəbe.

Nuh(ə) ıştə fərzənd ki,çı kəşti xaricədə be iyən ıştə pıəku co mandəbe,sədoş je ha çımı fərzənd ha ! deəmə bə ico bə ın kəşti suvar bıbi iyən de kofiron məbi ki,oxoyədə əvon həlok bəbeyn.ın dıjdə peyğombər bıə Nuh(ə) nəninki,bənə qıləy pı,bəlkəm bənə qıləy mehribon iyən onoqıniyə murəbbi umudəvo be ki,çəy fərzənd tobəko oqardo.əmmo de təəssıfi əv bə de co yavə fərdon əyşt-nışt kardey xoto,ıştə roş gin kardəbe.əve bə kəşti suvar nıbe iyən fəryodış je ki,çımı pı çımıku niqəron məbi və az bə qıləy çın oveyzi dast nırəsə bandi dəbəvitem.bın zəmon qıləy dıjdə ovi ləpə ome çı pı deçəy zo miyono qıləy fosiləş icod karde və çı Nuh(ə)-i fərzənd çı ovi miyono ğərğ be mande.ım dıjdə tufon nəinki,çı Nuh(ə)-i zoə,bəlkəm çəy ğovmi qırd kofir iyən inodkoronış ğərğış karde bardeşe.

Çın macəra oxoyədə bə zəmini əmr be ki,ha zəmin ha! tı ıştə ovi ebordon.və bə osmoni həm əmr be ki,həni bımand və voş nıvoy.ov qədə-qədə nışte və ko bə oxo rəse.Nuh(ə)-i soxtə kəşti Cudi bandi kəno lovbərış ğande.həni tufon həm mandəbe.bə Nuh(ə)-i xitob be ki,de çəmə tərəfiku bıə səlomətəti iyən bərəkəti kəştiku etat.dıjdə tufoni həmmə vırəş xərobəş kardəbe iyən jimonku hiç qılə əsər-əlomət mandəbe.qırd ovdonə bıə zəminon,havz iyən de məhsuli pur bıə boğon vironə bıəbin mandəbin.Nuh(ə) iyən tərədoron dılədə ım tars bə əməl oməbe ki,boştə jimoni dəvom doeyro çiçiku oko bədon və çokonə çın saxtə şərayitikku xilos bəbeyn.əmmo Xıdovənde-Xalığ bə həmonə camaati xatırcəmətiş doe ki,ilahi bərkəti bəon bəçəvon dimi oj bəbe və çəvon qıləy solim iyən de bərkəti pur bıə muhitış bəbe.