Шамхоний: Эрон ва Афғонистоннинг осойишталиги бир бирига чамбарчас боғлиқ

Террорчи ва экстремистик гуруҳларнинг шаклланиши ва кенгайишига қарши кураш икки қўшни юртнинг ўртасида биргаликда ҳамкорлик қилиш ва мувофиқлаштириш ҳаракатларини амалга оширишга эҳтиёж сезади

Эрон миллий хавфсизлик олий кенгаши котиби Афғонистон республикаси президентининг миллий хавфсизлик бўйича маслаҳатчиси билан учрашган чоғида, икки мамлакатнинг хавфсизлигини ўзаро чамбарчас боғлиқ дея атади. 

Ирна ахборот агентлиги тарқатган хабарга кўра, Эрон миллий хавфсизлик олий кенгаши котиби Али Шамхоний душанба куни Афғонистон республикаси президентининг миллий хавфсизлик бўйича маслаҳатчиси Муҳаммад Ҳаниф Атмар билан Теҳронда учрашганда шундай айтдики, террорчи ва экстремистик гуруҳларнинг шаклланиши ва кенгайишига қарши кураш икки қўшни юртнинг ўртасида биргаликда ҳамкорлик қилиш ва мувофиқлаштириш ҳаракатларини амалга оширишга эҳтиёж сезади. 

Али Шамхоний минтақадаги айрим реакцион мамлакатларнинг диний мактаблар ва ижтимоий муассасаларни ташкил этиш ниқоби остида террорчи ва такфирчи гуруҳларни қурол-яроқ, разведка ва молиявий жиҳатдан ҳимоя қилишларининг давом этишидан хавотирланиш билдириб шундай қўшимча қилиб ўтдики, ушбу жараён Афғонистонда нотинчликлар ва низо ҳамда зиддиятларнинг кенг тарқалишида шунингдек диний ва мазҳабий келишмовчиликларни келтириб чиқаришда туртки беради. Бу эса Афғонистонда давлатининг ушбу мамлакатнинг иқтисодий соҳасини ривожлантиришдаги саъй-ҳаркатларига катта тўсқинлик қилади ва салбий таъсирини ўтказади.