Демократларнинг Трампнинг Эронга қарши урушқоқ сиёсатига танқиди

АҚШ Сенати ва Вакиллар палатасидаги бир қатор демократлар ушбу мамлакат президенти Дональд Трампнинг Эронга қарши тажовузкорона уруши ва унинг америкаликларга салбий иқтисодий таъсирига нисбатан танқидларини кучайтириб, бу урушни молиялаштиришни тўхтатиш ва уни якунлашга чақирдилар.

«Парс Тудей» ИРНАга таяниб хабар беришича, АҚШнинг Коннектикут штатидан бўлган демократик сенатор Крис Мерфи ижтимоий тармоқдаги «Х» саҳифасида ёзди: «АҚШнинг Эронга қарши ҳалокатли ва нотўғри бошқарилган уруши харажатлари ақл бовар қилмас даражага етди. Буни бензин нархларида яққол кўриш мумкин, аммо уруш бошланишидан олдингига нисбатан қарийб икки баробар ошган дизель ёқилғиси нархининг кўтарилиши барча нарсалар қимматлашишига олиб келмоқда».

Мэриленд штатидан бўлган демократик сенатор Крис Ван Ҳоллен эса учинчи авианосец ва Ғарбий Осиёга яна қарийб 10 минг нафар ҳарбий хизматчи юборилиши ҳақидаги хабарларга ишора қилиб, шундай деди: «Ҳарбийлар орасидаги талафотлар ҳақидаги статистикани яширишда давом этаётган Трамп энди Эрондаги ноқонуний ва ўз хоҳиши билан бошлаган урушига яна 10 минг нафар ҳарбий хизматчини юбормоқда».

У қўшимча қилди: «Трамп келаси ойда урушини қайта бошлаш нияти борлигини айтганда, унинг сўзларига ишонинг. Конгресс уни молиялаштиришни тўхтатиши керак».

Шунингдек, Массачусетс штатидан бўлган демократик сенатор Элизабет Уоррен ижтимоий тармоқдаги «Х» саҳифасида ёзди: «Трампнинг Эронга қарши уруши ҳатто уй сотиб олишни ҳам қимматлаштирди».

У эслатиб ўтди: «Сенатдаги республикачилар Трампнинг Эрон билан уруши давом этиши учун 14 марта овоз бердилар. Улар Трампнинг Эронга қарши урушини тугатиш орқали нархларни пасайтиришлари мумкин, аммо бундай қилмайдилар».

Нью-Йорк штатидан бўлган АҚШ Вакиллар палатасидаги демократлар озчилиги раҳбари Ҳэким Жеффрис ҳам «Х» ижтимоий тармоғида ёзди: «АҚШда инфляция ошди, иш ўринлари яратилиши кўрсаткичлари пасайди ва Эронга қарши бу беихтиёр ва ўз хоҳиши билан бошланган уруш ҳалокатли бўлди».

У таъкидлади: «Республикачилар иқтисодиётни ҳалокат ёқасига олиб келдилар. Биз ҳамёнбоп харажатларга эга Америка учун курашишда давом этмоқдамиз».

Айни пайтда Виржиния штатидан бўлган АҚШ Вакиллар палатасидаги демократ Жеймс Вакиншоу «Пит Ҳегсет маданий жангчидир, уруш вазири эмас» дея таъкидлаб, «Х» ижтимоий тармоғида маълум қилди: «У журналистларни хоин деб атайди ва ўзига ёқмайдиган ҳарбий хизматчиларни камситади».

Вакиншоу қўшимча қилди: «Айни пайтда Ҳегсет мағлуб бўлаётган Эрон урушида юзлаб америкалик ҳарбий хизматчилар ҳалок бўлмоқда ва яраланмоқда. Уни импичмент қилиш вақти келди».

Бошқа томондан, Массачусетс штатидан бўлган АҚШ Вакиллар палатаси демократи Жим Макговерн: «Дональд Трампнинг номи ҳатто «Кеннеди маркази»даги ҳожатхонага ҳам қўйилмайди», деди.

У АҚШда ноябрь ойида бўлиб ўтадиган оралиқ сайловларга ишора қилиб, «Х» ижтимоий тармоғида ёзди: «Демократлар Конгресс устидан назоратни қайта қўлга киритганларида, солиқ тўловчилар маблағлари ҳисобидан молиялаштирилаётган унинг кўз-кўз қилишга қаратилган лойиҳаларига чек қўямиз, Эрондаги беихтиёр ва ўз хоҳиши билан бошлаган урушини тўхтатамиз, коррупцияга қарши курашамиз ва ҳамёнбоп харажатларга эга Америка учун курашамиз».

Трамп АҚШда дизель ёқилғиси нархи ошиши ортидан Европадан ёрдам сўради