Ҳасан Руҳоний: Эрон халқи мустабид тузумларнинг фитналарига қарши зийраклик билан жавоб берган

Эрон ислом жумҳурияти ва Эрон халқи инқилоб мақсадлари ва армонлари йўлида олдингидан кўра янада қудратлироқ ва қизғинроқ ҳаракат қилади

Эрон ислом жумҳурияти президентига кўра, мустабид тузумлар томонидан ҳозирга қадар Эронга қарши тузган режаларининг бари барбод бўлди ва халқнинг зийраклиги билан душманларнинг фитналарига қарши қатъий ва аниқ жавоб берилди. 

Ҳасан Руҳоний бугун чоршанба куни давлат ҳайъатининг йиғилишида Эрон миллатини 11 феврал кунидаги кўча намойишларида кенг кўламда ва қизғин иштирок этишга даъват этиш билан шундай айтдики, Эрон халқи мустаҳкам ирода, бирлик, ҳамжиҳатлик,  иттифоқликда ва қатъиятлик билан Эрон ислом жумҳуриятининг миллий манфаатларига ва ҳокимиятига нисбатан ёмон муносабатда бўлганларга қарата, жаҳон аренасида Эрон ислом жумҳуриятининг асосчиси Имом Хумайни ра.нинг йўлини ҳар доим давом эттирамиз деб баралла айтишади. 

Эрон президентига кўра, Эрон ислом жумҳурияти ва Эрон халқи инқилоб мақсадлари ва армонлари йўлида олдингидан кўра янада қудратлироқ ва қизғинроқ ҳаракат қилади. Унинг таъкидлашича, 22-Баҳман кунидаги кенг миқёсли кўча намойишларида фаол ва ғайрат билан қатнашиш, исломий инқилобни хуш кўрмайдиганларга ўз эътирозларини билдириш Эроннинг буюк миллатининг ифтихори бўлиб, бундан Эрон халқининг душманлари маюс ва ғамгин бўлишади. 

Ҳар йили Эрон ислом жумҳуриятининг барча аҳолиси 1979 йил 11 феврал кунида исломий инқилобнинг ғалаба қозонгани муносабати билан, исломий инқилоб ғалабаси йиллигини нишонлаш мақсадида кенг кўламли кўча намойишлари ўтказишади ва исломий жумҳуриятнинг буюк асосчисининг армонларига ва исломий инқилоб муаззам раҳбари Оятуллоҳ Хоманаий ҳазратларига янгитдан байъат қилишади.