Теҳрон жума намози хутбалари

Теҳрон жума намози имом хатиби Америка ва у билан иттифоқчи бўлган мамлакатларнинг Эрон миллатига қарши фитналарига ишора қилиб шундай таъкидладики, душман Эроннинг муқовамат ҳаракатларига ва иззатига зарба бериш учун олиб бораётган ғаламислик ҳаракатлари натижасиз тугади. 

Ҳужжатул ислом вал муслимийн Коземи Сиддиқий Теҳрон жума намозидаги хутбасида душманнинг фитналарини таниб олиш зарурлигини таъкидлаб шундай айтдики, Эроннинг турли соҳалардаги иқтидори жумладан ракета ва илмий салоҳияти душманнинг асабийлашишига сабаб бўлди. 

Ҳужжатул Ислом вал муслимийн Сиддиқий АҚШнинг Эронга қарши санкцияларига ишора қилиб шундай қайд этиб ўтдики, Эрон халқи душманнинг фитналарига ҳеч қачон таслим бўлмайди. 

Теҳрон жума намози имом хатибига кўра, Эрон ракеталари тийиб туришга мўлжалланган бўлиб, Ироқнинг Баъс режимининг Эронга қарши 8 йиллик жангида мамлакатнинг турли шаҳарлари душманнинг қақшатқич зарбасига ва ҳужумларига учради.

Эндиликда эса Эрон ўзини мудофаа қилиш мақсадида ракета ишлаб чиқарди. Бундан кўзланган мақсад эса, душманнинг Эрон ислом жумҳуриятига қарши ҳарбий ҳужум қилиш ҳақида ўйламаслиги учун.  

Ҳужжатул Ислом вал муслимийн Сиддиқий, Эроннинг террорчиларга қарши жумладан ИШИД террорчилик гуруҳига қарши кураш олиб боришига ишора қилиб шундай таъкидладики, Эроннинг террорчи гуруҳларга қарши кураш олиб бориши жаҳонда тинчлик ва барқарорликнинг ўрнатилишига сабаб бўлди. Аммо, душманлар ушбу ютуқларни йўқ қилишга уринишмоқда.