Зариф: Эрон Европадан қуруқ гап ўрнига, амалда натижани сўрайди

Европаликларнинг ядровий келишувга содиқ эканликлари бўйича сиёсий мажбуриятларидан ташқари, эндиликда улар амалий ишларни бошлашлари лозим бўлади.

Эрон ташқи ишлар вазири Американинг ядровий келишувдан чиқиб кетганидан кейин Европа билан алоқаларнинг аҳамиятини таъкидлаб шундай айтдики, европаликларнинг ядровий келишувга содиқ эканликлари бўйича сиёсий мажбуриятларидан ташқари, эндиликда улар амалий ишларни бошлашлари лозим бўлади. 

Муҳаммад Жавод Зариф Евроньюз телеканали билан суҳбатида шундай таъкидлаб ўтдики, Европа фақат оғзаки фикр билдириш ва баёнот бериш билан чекланиб қолмасликлари керак.

Негаки, Эрон амалий ишлар ва ечимларга хусусан банк операциялари, сармоя киритиш, энергия, транспортировка, юк ташиш, кичик ва ўрта бизнес компанияларини Европа томонидан ҳимоя қилинишига эҳтиёж сезади.  

Эрон ташқи ишлар вазири АҚШ ва Россия президентлари Доналд Трамп ва Владимир Путиннинг Финландия пойтахти Хельсинкидаги учрашувлари ҳамда уларнинг Сурия бўҳрони бўйича ҳамкорликлари ҳақида шундай айтдики,

Суриянинг тақдири ушбу мамлакат халқи томонидан ҳал этилиши керак. Сурияликлар ҳозирга қадар, террорчи ва экстремистик гуруҳларнинг ҳужумларига қарши қатъиятлик билан курашди. 

Муҳаммад Жавод Зарифга кўра, Эрон Россия ва Сурия давлати билан ўз алоқаларини ижобий тарзда сақлаб қолган ва ушбу йўсинда ўз ишини давом эттиради. Айни пайтда, учала томоннинг мақсади террорчи ва экстремистларга қарши кураш олиб боришдир.