Қосемий: Помпеонинг баёноти АҚШнинг ядровий келишувдан чиққанидан кейинги инқирозини англатади

Эрон ташқи ишлар вазирлигининг матбуот котиби Баҳром Қосемийга кўра, Америка ташқи ишлар вазирининг иккиюзламачилик баёноти провакацион ҳаракат эди

Эрон ташқи ишлар вазирлиги матбуот котиби Америка ташқи ишлар вазирининг баёнотини кескин қоралаб шундай айтдики, ушбу ҳеч нарсага арзимайдиган баёнот Америка давлатининг ядровий келишувдан чиқиб кетганидан кейинги шароитдаги чексиз ва мисли кўрилмаган инқирозини билдиради.

Шунингдек, АҚШ давлатининг нодонлиги ва ўйламай қилган ҳаракатлари ортидан ўз мақсадига ета олмади ва жаҳонда яккаланиб қолди. 

АҚШ ташқи ишлар вазири Майк Помпео якшанба куни Эрон ислом жумҳуриятига қарши бўлган оппозиция вакиллари билан учрашганида, яна бир бор Эронга қарши баёнот бериб, Теҳронни Ғарбга қарши деб атади ва шундай қўшимча қилиб ўтдики, Оқ уй бошқалар билан ҳамкорликда Эрон нефтининг бутунлай сотилмаслиги учун кескин сиёсат юритади ва босимларни ўтказади. 

Эрон ташқи ишлар вазирлигининг матбуот котиби Баҳром Қосемийга кўра, Америка ташқи ишлар вазирининг иккиюзламачилик баёноти провакацион ҳаракат эди. 

Унинг ушбу нутқи, АҚШнинг бошқа мамлакатларнинг хусусан Эрон ички ишларига аралашишини очиқ ойдин тасдиқлайди ва Вашингтоннинг минтақадаги бузғунчилик ҳамда беқарорлик келтириб чиқариш учун олиб бораётган сиёсатларини яққол намоён этади.