Руҳоний: Душман Эронни мағлуб этишга қурби етмайди ва ушбу орзусини ўзи билан гўрга олиб кетади
-
Руҳоний: Душман Эронни мағлуб этишга қурби етмайди ва ушбу орзусини ўзи билан гўрга олиб кетади
Эрон президенти америкаликларнинг Теҳрон билан музокара ўтказиш ҳақидаги таклифларига ишора қилиб шундай айтдиларки, Америка томонидан кўрилган кескин чоралар ортидан музокара қилиш учун ҳеч қандай шароит қолмади.
Эрон ислом жумҳурияти президентига кўра, душман Эронга босим ўтказиб, халқни қийнатишни истайди. Лекин, душман Эронни мағлуб этишга қурби етмайди ва ушбу орзусини ўзи билан гўрга олиб кетади.
Ҳасан Руҳоний чоршанба куни давлат ҳайъатининг йиғилишидаги нутқида шундай таъкидлаб ўтдики, Эрон халқи ва масъуллари бир-бирлари билан ҳамжиҳат ва жипс бўлиб, душманга ўз мақсадига етиш учун рухсат бермайди.
Эрон президентининг таъкидлашича, Эрон бутун дунё билан ҳамкорлик ўрнатган ва ўз алоқаларини ҳамда музокараларини давом эттираверади.
Шунингдек, Ҳасан Руҳоний америкаликларнинг Теҳрон билан музокара ўтказиш ҳақидаги таклифларига ишора қилиб шундай айтдиларки, Америка томонидан кўрилган кескин чоралар ортидан музокара қилиш учун ҳеч қандай шароит қолмади.
Эрон президенти, Ироқ, Сурия, Ливан ва ҳатто Африка шимолида ўтган йилларга қараган анчагина тинчлик ва осойишталик ўрнатилганидан хурсандлигини билдириб, Яманда ҳам тез орада хавфсизлик ва барқарорлик таъминланишига умид билдирди.
Унга кўра, тажовузкорлар уруш ва тажовуз билан ҳеч қандай муаммони ҳал қилиб бўлмаслигини тушуниб етишлари керак. Унинг ўрнига тўғри йўлни танлаб, музокара ва келишув билан сиёсий ечим топишга уриниш лозим.
