Теҳрон жума намозининг хатиби: Трамп давлати Американинг пасткашлик моҳиятини ошкор этди
Теҳрон жума намозининг хатиби Американинг ӯтган 40 йил давомида Эрон халқига нисбатан қилган жиноятларига ишора қилиб, деди:Трамп давлати Американинг пасткашлик моҳиятини бутун дунёга ошкор этди.
Оятулло Муҳаммад Имомий Кошоний Теҳрон жума намозининг бугунги хутбаларида Американинг Эрон Исломий Инқилоб Соқчилар Корпусини террорчи гуруҳлар руйхатига киритганлиги ҳамда Эрон нефти харидорларига белгиланган истисно муддатини узайтирмаслиги каби амалларини маҳкум этиб, илова қилди: Американинг пасткашлик қилмишлари дунё халқлари томонидан маҳкум этилиши керак.
Оятулло Имомий Кошоний таъкидладиким, Американинг Эрон халқига қарши ҳийла-найранглари ҳар қачонгидек мағлубиятга маҳкумдир.
Теҳрон жума намозининг имоми шунингдек Саудия Арабистони томонидан 37 нафар фуқаронинг қатл қилинганини маҳкум айлаб, деди: Бу қабоҳат Оли Саъуд ва унинг Сионистик режим ва Америка каби ҳомийлари учун айни шармандаликдир.
Оятулло Имомий Кошоний Америка, Оли Саъуд ва Сионистик режимни ёвуз учлик деб атаб, эслатдиким, дунё аҳли Америка, Оли Саъуд ва Сионистик режимни террорчиликнинг ӯчоқлари сифатида минтақа халқларини қирғин қилаётганликлари учун жиноятчи деб билишади.
Теҳрон жума намозининг иштирокчилари жума намозига киришишдан олдин Америка, Оли Саъуд ва Сионистик режимнинг жиноятларини маҳкум қилишди.