Эрон мудофаа вазири: минтақада АҚШнинг ишғолгарликка қаратилган иштироки тугатилиши лозим
Эрон мудофаа вазири, минтақада тинчлик ва хавфсизликни таъминлаш ва кескинликларни камайтириш учун зудлик билан минтақадаги АҚШ ишғолгарликлари ва босқинчилигини тугатиш лозимлигини таъкидлади.
Бугун Эрон мудофаа вазири генерал Амир Ҳотамий Япония мудофаа вазири Tarō Kōno билан телефон орқали суҳбатларида бир давлат томонидан уччинда давлат ҳудудида бошқа бир мамлакатнинг расмий ҳарбий етакчисини террор этилганини буюк ва мисли кўрилмаган жиноят эканлигини таъкидлаб, БМТ Хавфсизлик кенгашининг аниқ резолюцияси асосида АҚШнинг ёвуз ҳатти-ҳаракати давлат терроризмининг яққол намунаси ҳисобланади деб изоҳлади.
Эслатиб ўтамиз, Исломнинг шарафли генерали Қосим Сулаймоний ва Ирқонинг Ҳашд-уш-шаъбий ташкилоти раисининг ўринбосари Абумаҳди Алмуҳандис ва бир нечта бошқа мужоҳидлар, бир умрлик мужоҳидат сӯнгида жума куни тонг пайти Америка вертолётлари ҳужуми натижасида шаҳодатга етдилар.
Генерал Ҳотамий дунёнинг барча мустақил ва эрксевар халқлари томонидан АҚШ давлат терроризмини кескин қораланаётганига тўхталиб, АҚШ иштироки минтақада ноотинчликлар ва кескинликларнинг асосий сабабидир деб аниқлик киритди.
Эрон мудофаа вазири минтақада хавфсизлик ва тинчликни ўрнатиш учун АҚШ босинчилигини тугатиш лозим деб изоҳлади.
Япония мудофаа вазири ҳам бу суҳбатда Токио давлати минтақада тинчлик ва осойишталикни мустаҳкамлаш ва кескинликларни камайтириш учун махсус рол ўйнашга тайёрдир деб айтди.
Япония мудофаа вазири шунингдек Токио давлатини минтақада АҚШ бошчилигидаги ҳар қандай ҳарбий коалицияларда қатнашиш пайида эмаслигини маълум этди.
