Зариф: дунё зӯравон санкцияларнинг оддий томошабини бӯлиб қолмаслиги керак
Эрон Ислом жумҳурияти Ташқи ишлар вазири кеча ӯзининг твиттер саҳифасида ҳатто дунёнинг энг қудратли иқтисоди бӯлган Американинг ҳам коронавирусга қарши курашда халқаро кӯмакларга эҳтиёж сезаётганини эслатиб, халқаро ҳамжамиятдан Вашингтон санкцияларининг оддий кузатувчиси бӯлиб қолмасликни сӯради.
ИРНА ахборот агентлиги тарқатган хабарга кӯра Эрон Ислом жумҳуриятининг Ташқи ишлар вазири Муҳаммаджавод Зариф кеча ӯзининг твиттер саҳифасида Доналд Трампнинг коронавирусга қарши курашда Жанубий Кореядан кӯмак сӯраганига ишора қилиб, ёзди: "Коронавирус ҳозир дунёни улкан зарарларга юзма-юз айлаган. Бирор-бир мамлакат уни четлаб ӯтолмайди. Ҳатто дунёнинг энг улкан иқтисоди ҳам бу пандемияга қарши курашда бошқаларнинг кӯмагига эҳтиёж сезмоқда. Аммо шундай ҳолатда ҳам Вашингтон Эронга нисбатан иқтисодий террорчилигини тӯхтатишни истамаяпти.
Эҳтимол, Америка пандемиянинг доимий бӯлиб қолишини истар?!
Манманлик ва зӯравонликнинг белгиси бӯлган санкцияларга риоя қилмаслик бугун бир ахлоқий заруратдир!"
Кейинги ҳафталарда жаҳоннинг бир қатор мамлакатлари, жумладан Эронда коронавируснинг тарқалгани ортидан турли мамлакатлар, жумладан Туркия, Россия, Покистон ва Хитой Америкадан Эронга нисбатан ғайриқонуний биртомонлама санцияларини олиб ташлашини талаб қилишди.
Американинг асосий эҳтиёж товарлари ва ҳатто дори-дармон ва медицина жиҳозларини ҳам ӯз ичига олган бир томонлама золимларча санкциялари Эрон халқи, айниқса коронавирусга йӯлиққан беморлар учун жуда кӯп қийинчиликларни келтириб чиқармоқда.
Америка президенти Доналд Трамп эса ӯтган жума куни Эронга нисбатан санкцияларни олиб ташлашга қарши эканлигини айтди.