Раисий: Ҳеч ким Эрон халқи билан зўравонлик орқали гаплаша олмайди

Эрон Ислом Жумҳурияти Президенти пайшанба оқшомида Атом энергияси бўйича халқаро агентлик бошқарув кенгашида Эронга қарши резолюция қабул қилиниши сионистик режим ғайрати билан амалга оширилганини айтиб, ҳеч ким Эрон халқи билан зўравонлик орқали гаплаша олмайди, деди.

Эронга қарши таклиф қилинган АҚШ-Европа учлиги резолюцияси, Хитой ва Россиянинг кескин қаршиликларига қарамай, чоршанба куни Халқаро атом энергияси агентлиги (МАГАТЕ) бошқарувчилар кенгашининг чораклик йиғилишида қабул қилинди.

Резолюция Халқаро Атом Энергияси Агентлиги Бошқарувчилар Кенгашига сиёсий ёндашув билан ва сионистик режимни қониқтирган ҳолда тақдим этилди.

Эрон Пресс Неwс Агенcй хабарига кўра, Эрон Ислом Жумҳурияти Президенти Саййид Иброҳим Раисий пайшанба оқшомида Чоҳормаҳал ва Бахтиёр вилоятига ташрифи якунида журналистларнинг Халқаро атом энергияси агентлиги бошқарувчилар кенгашида Эронга қарши резолюция қабул қилиниши ҳақидаги саволларига жавоб берар экан, шундай деди: “Биз бу ҳодисанинг асосини сионистик режим қўзғатган деб ҳисоблаймиз, лекин ҳар ҳолда биз бу каби ҳаракатлар ҳеч қачон Эрон Ислом Жумҳуриятини тўхтаб, чекинишга мажбурлай олмаслигини таъкидлаб келганмиз”.

Бундай чора-тадбирлар Эрон миллатининг тараққиётини ҳеч қачон тўхтата олмаслигини таъкидлаган Раиси, золимлар Эрон халқининг ҳуқуқларини тан олиши кераклигини қўшимча қилди.

Эрон Ислом Жумҳурияти Президенти яна таъкидлади:“Эрон халқи мантиқан ўз сўзи ва ҳуқуқига амал қилмоқда ва ҳеч ким Эрон халқига куч ва зўравонлик йўли билан гапира олмайди”.

Аввалроқ, Чоҳормаҳал ва Бахтиёр вилояти маъмурий кенгаши йиғилишида Раиси Эрон халқи иродалар урушида турганини айтди: Оқ уй матбуот котиби Эронга максимал босим муваффақияцизликка учраганини расман эълон қилди; Бу шуни англатадики, Эрон халқи Қўшма Штатларни мағлуб этишга тайёр.