Эрон футбол федерацияси президенти ОФК вице-президенти сифатида қолди

Эрон футбол федерацияси президенти Маҳди Тож яна Осиё Футбол Конфедерацияси -ОФКнинг Марказий Осиё минтақасидаги вице-президенти этиб сайланди.

Эрон телерадиокомпаниясининг ўзбек тилидаги сайтининг хабар қилишича, бугун Баҳрайн пойтахти -Манама шаҳрида Осиё Футбол Конфедерациясининг 33-Конгресси бўлиб ўтди ва Маҳди Тож яна 4 йилга ОФК вице-президенти этиб сайланди. Маҳди Тож кетма-кет иккинчи марта Осиё Футбол Конфедерацияси  вице-президенти этиб сайланди.

Қирғизистонлик Достонбек Қуноқбоев ОФК вице-президентлигига номзод бўлди бироқ у овоз беришдан олдин номзодлигидан воз кечди.

Осиё Футбол конфедерацияси президенти Шайх Салмон бугунги сайловда рақибсиз ОФК президенти этиб қайта сайланди.