Эрон Қуролли Кучлар Бош штаб раҳбари Уммонга сафар қилди

Эрон Ислом Республикаси Қуролли Кучлари Бош штаби раҳбари олий мартабали ҳарбий делегация билан биргаликда уммонлик ҳамкасбининг расмий таклифига биноан Маскат шаҳрига жўнаб кетди.

Эрон телерадиокомпаниясининг ўзбек тилидаги сайтининг хабар қилишича, Эрон Ислом Республикаси Қуролли кучлари Бош штаби бошлиғи генерал Муҳаммад Бақирий бугун (якшанба) юқори мартабали ҳарбий делегация билан бирга Маскат шаҳрига жўнаб кетди. Юқори мартабали сиёсий ва мудофаа расмийлари билан учрашиш ва икки томонлама ва минтақавий ҳамкорлик бўйича музокаралар олиб бориш, шунингдек, Уммоннинг ҳарбий ва илмий марказларини кўздан кечириш Эрон Қуролли кучлари Бош штаб раҳбарининг ушбу сафардаги муҳим режаларидан ҳисобланади.

Қуролли Кучлар Бош штаб бошлиғи сўнгги 40 йил давомида Уммонга ташриф буюрган Эрон Ислом Республикасининг энг юқори мартабали ҳарбий амалдори ҳисобланади.

Генерал Бақирий Эрон Ислом Республикасининг ҳарбий хавфсизлик бўйича маслаҳатлашувлари доирасида Россия, Хитой, Туркия, Покистон, Ироқ ва Сурияга сафар қилди.