Pars Today

Эрон Қуролли кучлари Бош штаб бошлиғи шундай деди: Ироқ ҳукумати ва қуролли кучларининг аксилинқилобий гуруҳларни йўқ қилиш борасидаги ҳаракати муҳим, аммо етарли эмас.

Эрон телерадиокомпаниясининг ўзбек тилидаги сайтининг хабар қилишича,  Эрон Қуролли кучлари Бош штаби бошлиғи генерал Муҳаммад Боқирий шанба куни Олий Миллий мудофаа университетининг янги ўқув йили бошланишида террорчиларнинг шарқий ва Эроннинг ғарбий чегара ҳудудлардаги ҳаракатларига тўхталиб ўтди ва қўшимча қилди: "Сўнгги ҳафталарда Ироқ ҳукумати ва расмийлари террорчиларнинг штаб-квартиралари ва қароргоҳларини Эрон чегараси яқинидан кўчиришга ҳаракат қилишди, лекин асосий келишув нафақат сепаратист гуруҳларни тактик жиҳатдан кўчириш ва уларни чегаралардан узоқроқ нуқтага кўчириш эмас эди, балки уларни тўлиқ қуролсизлантириш Эрон томонидан мўлжалланган.
Генерал Боқирий таъкидлади: Жануби-ғарбий Осиё минтақаси давлатлари, хусусан, Эрон Ислом Республикаси ўзининг стратегик ва сиёсий географик ўрни, дунёнинг алоқа магистрали, стратегик бўғозларга эгалиги, бой минерал ресурслари ва қазилма бойликлари, буюк самовий динлар, мусулмонлар қибласи ва покиза имомлар (алайҳиссалом)нинг муқаддас қадамжоларининг мавжудлиги ва бошқа турли омиллар туфайли ниҳоятда муҳим минтақадир; Шу сабабдан мустамлакачи давлатлар ўзларининг мўл-кўл манбалари туфайли минтақадаги кучларни доимо ўзлаштиришга ва заифлаштиришга интиладилар.
Эрон Қуролли кучлари Бош штаби бошлиғи таъкидлади: Ғарбий Осиё минтақасининг бой ресурслари ва бу минтақанинг алоҳида мавқеи ҳар доим кучлар томонидан кўз олайтирилади ва душманлар минтақа давлатлари, этник гуруҳлар, тоифалар ва динлар ўртасида ҳар доим ихтилоф яратишга ва мамлакатларнинг ҳуқуқий суверенитетини заифлаштириб, улар доимий равишда минтақани тўқнашувларга жалб қилишга ҳаракат қиладилар, шунда бу можаролар уларнинг агрессив мавжудлигини давом эттириш учун баҳона ва асос бўлади.