Эроннинг жаҳон миқёсида илмий ишлаб чиқаришдаги улуши қанча?
-
Эроннинг жаҳон миқёсида илмий ишлаб чиқаришдаги улуши қанча?
Бугун Эрон жаҳон илмий ишлаб чиқариши соҳасида муҳим ўйинчилардан бири ҳисобланади.
Scopus ва Web of Science каби нуфузли халқаро маълумотлар базалари асосида олиб борилган таҳлиллар шуни кўрсатадики, Эрон Ислом Республикаси сўнгги икки ўн йиллик давомида жаҳон илмий ишлаб чиқаришида эътиборли ўринни эгаллашга муваффақ бўлган. Pars Today хабар беришича, эронлик тадқиқотчилар ҳар йили халқаро нуфузли журналларда ўн минглаб илмий мақолаларни чоп этмоқда ва Эрон дунёнинг илмий салоҳияти энг юқори бўлган йигирма давлат қаторига кирган.
Scimago Journal Rank (SJR) индексида эълон қилинган маълумотларга кўра, тиббиёт, муҳандислик, асосий фанлар ва ижтимоий-гуманитар фанлар соҳаларида фаолият юритувчи 375 дан ортиқ эронлик илмий журналлар халқаро маълумотлар базаларида индексация қилинган. Бундай кенг қамровли иштирок Эрон илмий жамоасининг жаҳон билим маконида мамлакат мавқеини юксалтириш йўлидаги узлуксиз саъй-ҳаракатларини акс эттиради.
Шунингдек, Эрон Миллий фан жамғармаси маълумотларига кўра, сўнгги йилларда мамлакатда илмий ишланмалар ишлаб чиқариш суръати барқарор равишда ўсиб бормоқда ва фақат 2020 йилнинг ўзида ушбу жамғарма қўллаб-қувватлаши билан 1782 тадан ортиқ илмий мақола халқаро маълумотлар базаларида нашр этилган.
*Соғлиқни сақлаш туризми: Эронда хорижий инвесторлар учун олтин имконият
