Қирғизистон ҳукумати канадалик компаниянинг кенг тарқалган коррупциясига қарши курашмоқда
Қирғиз расмийлари Канаданинг Centerra Gold компаниясини "катта коррупция" учун четлаштириш жараёни бошланганини ва улар бу жараённи охиригача етказиш ниятида эканликларини айтишмоқда.
Шу йилнинг бошида қирғиз расмийлари Канададаги Centerra Gold компанияси томонидан расман назорат қилинадиган ва 2020 йилга келиб Қирғизистон ялпи ички маҳсулотининг 12,5 фоизини ташкил этадиган "Cометор" олтин конини ўз назоратига олди, деб хабар берди Ewronеws. Бу кон йиллар давомида Қирғизистонда тортишувлар ва сиёсий курашлар мавзуси бўлган. Қирғизистон Хавфсизлик қўмитасининг айтишича, Қирғизистон ҳукумати ва Канаданинг Centerra Gold компанияси ўртасидаги келишувни бекор қилиш жараёни тергов билан бошланган, натижада улкан коррупция фош этилган.
Қирғизистоннинг бир қанча таниқли сиёсатчилари олтин конидаги коррупция айбловлари бўйича ҳукумат томонидан олиб борилаётган тергов ишлари бўйича сўроқ қилинган ёки ҳибсга олинган. Шу ой бошида қирғиз расмийлари Қирғизистоннинг мустақилликдан кейинги биринчи президенти Асқар Акаевни сўроқ қилишди.
Акаев ағдарилганидан сўнг, турли қирғиз ҳукуматлари кон ҳақидаги келишувни қайта кўриб чиқишга ҳаракат қилишди. Канадалик компания, шунингдек, экологик стандартларни узоқ йиллар давомида бузиб келганликда ҳам айбланмоқда.
