Тожикистон стратегик металларни экспорт қилишга қарор қилди
-
Тожикистон стратегик металларни экспорт қилишга қарор қилди
Тожикистон жаҳон бозорларида иккита стратегик метал – “литий” ва “германий” етказиб берувчиларидан бирига айланишни режалаштирмоқда.
Эрон телерадиокомпаниясининг ўзбек тилидаги сайтнинг хабар қилишича, Тожикистон саноат ва янги технологиялар вазири Ширали Кабир шанба куни мамлакат жаҳон бозорида стратегик металлар етказиб берувчи етакчилардан бирига айланиш ниятини маьлум қилган.
Кабир мутахассисларнинг германий каби металларга талаб 86 баробар ортиши ҳақидаги башоратларига ишора қилиб, шундай деди:Тожикистон турли металлар, жумладан, германий ва литийнинг катта заҳираларига эга.
Тожикистонда литий заҳираларининг ўзлаштирилишига тўхталар экан, бу тожик расмийси ушбу металларга бозор талабининг ортиб бораётганини яшил энергиядан кўпроқ фойдаланиш билан боғлиқ глобал ўзгаришлар билан боғлади.
Германий ярим ўтказгич элемент бўлиб, металл ва металл бўлмаган хусусиятларга эга. Ушбу стратегик элемент транзисторлар ва диодлар каби электрон компонентларни ишлаб чиқаришда қўлланилади.
