Фаластин муқовимат ҳаракатидан Исроилнинг иккинчи мағлубияти
Исроил ҳужумларига қарши Фаластин муқовимат гуруҳларининг қатъий жавоб қайтаришларидан кейин охирги 6 ой давомида бу режим иккинчи маротаба ўт очишни тўхтатишни қабул қилишга мажбур бўлди.
Сионистик режимнинг қирувчи самолётлари ва артиллериялари ўтган жума кунида Ғазза бўлгасининг турли минтақаларини ракеталар билан нишонга олди. Бу ҳужумларга қарши Фаластин исломий жиҳод ва Ҳамас муқовимат гуруҳлари қатъий жавоб қайтаришди. Бу уруш фақат 4 кундан кейин Мисрнинг воситачилиги билан охирга етди ва Исроил яна бир маротаба ўт очишни тўхтатишни қабул қилишга мажбур бўлди.
Тўрт кун давом этган бу урушни турлича таҳлил этиш мумкин:
1. Бу жанг яна бир маротаба шуни кўрсатдики, Исроил ҳарбийлар ва ноҳарбийлар ўртасида фарқ қуймайди. Исроил режимининг ҳужумлари натижасида 25 нафар фаластинликлар шаҳид бўлишди ва 154 нафар эса тан жароҳати олишдиким, шаҳид бўлганларнинг ўртасида ҳомилали икки аёл, янги туғилган икки чақалоқ ва битта бола бор эди. Бу шахслар, айниқса янги тўғилган чақалоқ ва болаларнинг шаҳид бўлишлари яна бир маротаба Исроил режими болаларнинг қотили эканлигини исботлади.
2. 4 кунлик уруш шуни исботладиким, Исроил режими уруш тактикаси ва стратегиясини билмайди. Чунки фақат бомбардимон қилишни билади халос ва мудофаа этиш учун эса бир неча маротаба ўтказувчанлигини исботлаган "Темир гумбаз" системасига ишонади.
3. 4 кунлик бу уруш шуни кўрсатдики, муқовимат гуруҳларининг қаршилик кўрсатиш қудрати сезиларли даражада мустаҳкамланган. Чунки 4 кун давомида 650-тадан ортиқ юқори қудратга эга ракета Ғазза бўлгасидан ишғолий минтақаларга қарата отилди ва Бадр-3 ракетаси эса муқовимат гуруҳларининг намойиш этган энг янги ракетаси эди.
Ракеталар билан қилинган ушбу ҳужумда исроиллик 4 киши ҳалок бўлди ва 140 нафар эса ярадор бўлишди. Бунга қўшимча, бу уруш муқовимат кучлари ракеталарининг аниқ нишонга бориб етишини ҳам намоён этди. Муқовимат гуруҳлари исроиллик ҳарбий бир автомашинани ҳам нишонга олишди. Ҳолбуки, мусофир ташувчи ноҳарбий бир поезд муқовимат кучлари ракеталарининг энг яқин нишонига юзмаюз бўлганди. Аммо муқовимат гуруҳлари ушбу поездни нишонга олишдан қўл тортишди.
4. Муқовимат гуруҳларининг қатъий ҳужумлари натижасида Ғазза бўлгасидаги қўшни минтақаларида яшовчи аҳолининг ўртасида қурқув вужудга келди. Шунинг учун ушбу минтақада истиқомат қилувчи сионистларнинг 35 фоизи ракета ҳужумларидан қурқиб ўзларининг уй-жойларини тарк этишга мажбур бўлишди.
5. Фаластинлик эксперт ва ёзувчи Ёсир Изуддин Фаластин муқовимат кучларининг ракеталар билан ҳужумларидан сионистик режимнинг кўрган зарарлари "Темир гумбаз" жойлаштирилиши ва ишга туширилишидан кейин бу мудофаа системаси бўлмаган замонидан ҳам кўпроқ эди. Бу битта маънони англатади, бу ҳам бўлса Фаластин муқовимат кучлари ақллар урушида сионистик режимдан бир неча қадам олдинда ҳаракат қилмоқда,-деб ёзади.
Хулоса қилиб айтиш мумкинки, 2018 йил октябр ойида оташкесимни тўхтатишни қабул қилиш Натаниёҳу кабинетининг парчаланиши сабабига айлаган эди. Исроил бош вазири эса октябр ойидаги мағлубиятни қоплашни мақсад қилганди. Аммо бу гал янада оғирроқ мағлубиятга дуч келди ва 4 кундан кейин ўт очишни тўхтатишни қабул қилди.
