Малик миллий кутубхона ва музейи

Малик Миллий кутубхонаси ва музейи Ҳожи Ҳусайн Малик томонидан ташкил этилган ва Остон Қудс Разавийга топширилган.

Малик Миллий кутубхонаси ва музейи Ҳожи Ҳусайн Малик томонидан ташкил этилган ва Остон Қудс Разавийга топширилган. Табризлик бадавлат тадбиркор оиласида туғилган Ҳожи Ҳусайн Малик ёшлигида Машҳадда Малик кутубхонасини ташкил қилади. Шундан сўнг у бу кутубхонани Теҳроннинг икки муқаддас қадамжолари орасидаги Бозордаги ота уйига иноят ва илм аҳли ихтиёрига бериш учун кўчирди. 1937 йилда бу кутубхонани Остон Қудс Разавийга ҳадя қилган. Хожи Ҳусайн Малик 1972 йилда вафот этган бўлиб, замонавий Эрон тарихидаги энг буюк вақифчи сифатида танилган. Малик Миллий кутубхонаси ва музейи 1996 йилгача Теҳроннинг икки муқаддас қадамжолари орасидаги отасининг уйида жойлашган эди. Аммо янги бинонинг қурилиши билан бу қимматбаҳо асарлар Миллий музей боғининг тарихий майдонидаги бинога кўчирилди. Бу бинонинг ерини Остон Қудс Разавий учун Ҳожи Ҳусайн Малик ҳадя қилган эди.

Малик номидаги Миллий кутубхона ва музей биноси жуда чиройли меъморчиликка эга. Унда турли бўлим ва заллар, жумладан, кутубхона, тангалар зали, Камол ал-Мулк оиласи саройи, ёзув ва расм зали, савдо зали ва бошқалар мавжуд.

– Мазкур фонд кутубхонасида босма ва тошбосма китоблардан ташқари 19 минг қўлёзма ҳам мавжуд. Бу кутубхона Эрон қўлёзмаларининг энг йирик хазиналаридан бирига айланган.

– Музейнинг тангалар бўлимида Аҳамонийлар даврига оид, яъни эрамиздан аввалги ВИ асрдан то ҳозиргача бўлган 9 мингга яқин тарихий тангалар кўргазмага қўйилган. Бу тўпламда юнон, салавкий, византия, ислом ва усмонли халифаларига оид тангаларни кўриш мумкин.

– Музейнинг яна бир қисми Камол ал-Малик ва Ғаффорийлар оиласи зали мавжуд. У ерда замонавий Эрон тарихининг энг машҳур рассоми Камол ал-Малик лақабли Муҳаммад Ғаффорий ва Ғаффорий  оиласининг бошқа вакилларининг расмлар тўплами намойиш этилади. Бу залдаги энг муҳим картиналардан бири “Ўқиётган чол” Камол ал-Маликнинг касаллик туфайли тугата олмаган сўнгги асаридир.

 Китоб ва расм зали музейнинг яна бир бўлими бўлиб, унда ажойиб хаттотлик ва рангтасвир асарлари, ноёб санъат асарлари, нафис қўлёзмалар тўплами мавжуд.

– Ушбу тўпламнинг хаттотлик бўлимида Эрон ва Исломнинг кўплаб машҳур ва маҳоратли хаттотларининг асарлари намойиш этилган.

– Мазкур музейда 100 мингдан ортиқ нафис ва кўзга кўринган маркаларни ўз ичига олган тарихий почта маркалари коллекцияси тўпланган. Шунингдек, почта маркалари коллекцияси ёнида музейнинг гиламлар хазинаси жойлашган бўлиб, унда 34 та нафис гиламлар мавжуд.

- Ҳожи Ҳусайн Малик доимий кўргазмаси Малик миллий музейининг  жозибали бўлимларидан бири бўлиб, уни кўпроқ таништиради. Бу залда Ҳожи Ҳусайн  Маликнинг асарлари, қўлёзмалари, расмлари ва бошқа шахсий буюмлари намойиш этилган.