Эрон музейларига саёҳат (14)
Теҳрон почта ва алоқа музейи
Теҳрондаги почта ва алоқа музейига саёҳат.
– Почта музейи илк бор 1932 йилда Европа ихтисослашган музейларидан илҳомланиб, почта ва телеграф вазирлиги биносининг бир қисмида ташкил этилган ва 1970 йилгача шу ерда жойлашган. Вазирлик биноси бузиб ташланганидан сўнг музейнинг асбоб-ускуналари ва буюмлари почта бўлими биносининг ғарбий қисмига кўчирилди. Ҳозирги Почта ва алоқа музейи 1990-йил 11-февралда миллий архитектура биносида очилган.
- Теҳрон почта музейи биноси лойиҳачиси ва меъмори россиялик меъмор Николай Марков. Ушбу бинонинг дизайни жуда чиройли бўлиб, Эрон ва Европа меъморчилигининг уйғунлиги унинг жозибасини янада оширган.
- Почта ва алоқа музейи икки қаватли ва Эрондаги энг қадимий ва чиройли ҳукумат биноларидан бирида ташкил этилган. Ушбу музей турли зал ва бўлимларни ўз ичига олади. Биринчи қаватда маросим ёки вазирлар зали жойлашган. Унда почта, телеграф ва телефон вазирлигининг вазирлари суратлари мавжуд. Бу шуни англатадики, ушбу залда биринчи Телеграф вазири Али Қулихон Мухбир Ал-Давладан тортиб, ҳозиргача бўлган турли почта вазирликларининг суратларини кўришингиз мумкин. Ушбу қаватнинг бошқа қисми жуда чиройли ва тарихий маркаларни ўз ичига олган штамп зали. Ушбу залда Қожар, Паҳлавий ва Эрон Ислом Жумҳуриятининг даврларига оид 1100 га яқин маркаларни кўриш мумкин.
– Ипак йўли кабинаси ёки марказий зал бу қаватнинг барча турдаги эски алоқа воситалари ва почта юкларини ташишни ўз ичига олган яна бир қисмидир. Арава, уч ғилдиракли велосипедда турли мамлакатлар, ҳукуматлар ва шахсларнинг буюмлари ва совғалари намойиш этилади. Шунингдек, ушбу бўлимда Қожарлар даври почтачилари ҳайкалларининг бир нечта намуналари ва Қожарлар даврининг эски почта қутилари кўрсатилган.
- Музейнинг телекоммуникациялар бўлими иккинчи қаватда жойлашган иккита стендни ҳам ўз ичига олади. Икки кабинада Морседан тортиб телеграф, телекс, факс намуналаригача бўлган турли хил алоқа мосламалари мавжуд. Бу залда Имом Хумайний (р.а.)нинг уй телефонини 1962 йилда Қум шаҳар телефон идорасига рўйхатдан ўтказишга оид қўлёзмаларидан намуна ҳам бор.
