Нетаняхунинг босиб олинган ҳудудларда ҳокимиятга қайтишининг минтақавий оқибатлари

Собиқ бош вазир Бенямин Нетаняху ўта ўнг қанот миллатчилари билан бирга босиб олинган Фаластинда ҳокимиятга қайтди ва ички даражадан ташқари, Ғарбий Осиё минтақасида ҳам хавотирлар кўтарилди.

Сионистик режим сайлов қўмитаси 100% овозларни санаб, Кнессет сайловларининг якуний ва аниқ натижаларини ва бу режимнинг собиқ бош вазири Бенямин Нетаняху коалициясининг парламентдаги 120 ўриндан 64 ўринни қўлга киритиб ғалаба қозонганини эълон қилди.  Бу ғалаба ўта ўнг қанот яҳудийлар томонидан 14 ўринни қўлга киритиш орқали эришилди, бу эса сионистик режимнинг ички шароити ва минтақавий сиёсати ҳақида хавотир уйғотди.

Ирқчи ва радикал унсурларнинг мавжудлиги баъзи араб расмийларининг Сионистик режим парламенти сайловлари олдидан ҳам ишғол қилинган ҳудудларда экстремистлар ҳокимиятга келиши оқибатларидан хавотир билдиришларига сабаб бўлди. Шу муносабат билан, 2020-йил сентябрида ойида БАА ва сионистик режим ўртасидаги муносабатларни нормаллаштириш тўғрисидаги битимни имзолаган БАА Ташқи ишлар вазири Абдуллоҳ Бин Зайд жорий сентябрда агар Нетаняҳу сайловларда ғалаба қозонса, ўз кабинетида ўта ўнг қанот сионистлар номзодини қўйишидан хавотир билдирган эди. Шу боис араб муросачилари сионистик режим парламенти сайловлари натижаларидан қониқмаган кўринади.

Айни пайтда сионистик режим парламент сайловлари натижаларининг яна бир оқибати Фаластин қаршиликларининг кучайиши бўлиб кўринади. Нетаняхунинг ҳокимиятдаги шеригига айланган Итмар Бен Ғафир каби экстремал ўнгчилар арабларга очиқдан-очиқ қарши бўлиб, арабларни босиб олинган ерлардан ҳайдаб чиқарилишига урғу беради. Бундай одамларнинг Тел-Авив вазирлар маҳкамасига кириши, шунингдек, Нетаняхуда Бент-Лапид кабинети фаластинликларни тинчлантириб, Ливан ва Фаластин қаршиликларига таслим бўлди, деган фикрнинг мавжудлиги Сионистик режимнинг бўлажак кабинетида фаластинликларга қарши ирқчилик ва зўравонликнинг кучайишига сабаб бўлади.  Фаластин маъмурияти бош вазири Муҳаммад Аштия сионистик режим парламент сайловларида ўта ўнг партияларнинг юқори овозларини кўчманчилар ва босқинчиларнинг экстремизм ва ирқчиликка мойиллиги кучайиб бораётганининг табиий натижаси деб ҳисоблади.

“Бишеҳ Широн” қаршилик гуруҳининг ташкил топиши ва уларнинг сўнгги ойларда Ғарбий Соҳилда ва ҳатто босиб олинган ҳудудлар ичида амалга оширган қаршилик ҳаракатларига келсак, биз фаластинликлар ва сионистлар ўртасидаги зиддият ва Қуддус ишғол режимига қарши фаластинликларнинг қаршилик кўрсатиши кучайиб бораётганига гувоҳ бўлишимиз мумкин. 

Бош вазир Бенямин Нетаняху бошқарувида сионистик режимнинг бўлажак вазирлар маҳкамаси шаклланишининг яна бир эҳтимолий натижаси Ливан билан денгиз шартномасини бекор қилишдир. Яқинда Байрут ва Тел-Авив ўртасида денгиз чегараларини белгилаш бўйича имзоланган келишув Ливан ва Ҳизбуллоҳ учун муҳим ютуқ бўлди. Бироқ, Лапид буни тарихий келишув деб атаган бўлса, Нетаняху буни тарихий таслим бўлиш деб атади ва агар у бош вазирлик лавозимини эгаллаб олса, бу келишувни амалга оширмаслигини маълум қилди. Бенямин Нетаняху парламент сайловлари кампанияси чоғида, агар у бош вазир лавозимини эгалласа, бу келишувни бекор қилишини назарда тутган эди: “Ушбу келишув билан мен Осло келишуви билан қилган ишимни қиламан; Чунки Осло келишуви сўл ҳукуматнинг таслим бўлиш шартномаси эди.