ЕИБнинг Ўзбекистондаги фаолиятига оид битим кучга кирди

Ўзбекистон Республикаси ва Европа инвестиция банки ўртасидаги 2017 йил 13 октябрь куни Вашингтон шаҳрида имзоланган ЕИБнинг мамлакат ҳудудида фаолиятига оид ҳадли битим кучга кирди

2018 йилнинг 28 февраль куни Ўзбекистон Республикаси ва Европа инвестиция банки ўртасидаги 2017 йил 13 октябрь куни Вашингтон шаҳрида имзоланган ЕИБнинг мамлакат ҳудудида фаолиятига оид ҳадли битим кучга кирди. Бу ҳақда ТИВ ахборот хизмати хабар бермоқда. 

Ҳадли битим ЕИБнинг Ўзбекистон Республикасида фаолиятини амалга ошириш учун ҳуқуқий асосларини вужудга келтиради.

Ушбу ҳужжат мамлакатда йирик ижтимоий аҳамиятга эга лойиҳаларни амалга ошириш учун ЕИБнинг молиявий воситаларидан фойдаланиш имконини беради ва Ўзбекистон ҳамда Европа Иттифоқи ўртасидаги молиявий ва техникавий ҳамкорликни янада ривожлантиришга хизмат қилади.