Uztextile Export Эрон компанияси билан 1 млн долларлик шартнома имзолади

Uztextile Export ташқи савдо компанияси Эроннинг Taaha Alyaf компанияси билан ип-калава етказиб беришга 1 миллион долларлик шартнома имзолади. Бу ҳақда «Ўзтўқимачиликсаноат» ассоциацияси матбуот хизмати хабар берди. 

Ҳужжат Теҳронда бўлиб ўтган Ўзбекистон—Эрон ҳукуматлараро комиссиясининг навбатдаги йиғилишида имзоланди.

Шунингдек, Бекободнинг «Фалакдан нажот» корхонаси ҳам Эронга тайёр тикув-трикотаж буюмларини экспорт қилиш бўйича дастлабки келишувга эришди.

Эроннинг Arsh Carpet компанияси вакиллари Ўзбекистонда гилам ишлаб чиқаришни йўлга қўйиш масалаларини муҳокама қилиш учун май ойида Тошкентга келиши режалаштирилди.