«Локомотив» гуруҳда қолиб кетди

Осиё Чемпионлар Лигасида гуруҳ босқичининг сўнгги тур ўйинлари ўтказилди.

Кун. уз сайтига кўра, В гуруҳида «Локомотив» ўз майдонида Эроннинг «Зоб Оҳан» клубини қабул қилди. Кейинги босқичга чиқиш учун тошкентликларга фақат ғалаба керак эди. Аммо «Локомотив» нурсиз ўйин намойиш қилди ва 1:1 ҳисобидаги дурангни қайд қилди. Натижада, ҳар иккала клуб 7 очко жамғаришди, бироқ, Эрондаги ўйинда «Зоб Оҳан» 2:0 ҳисобида ғалаба қозонгани учун, 2-ўрин билан кейинги босқичга чиқди.

Гуруҳнинг яна бир баҳсида Қатарнинг «Ад-Дуҳайл» клуби ўз майдонида «Ал-Ваҳда»ни 1:0 ҳисобида енгиб, 18 очко билан биринчи ўринни эгаллади.