Тошкентда отлиқлар паради бўлиб ўтди (ВИДЕО)
октябр 04, 2018 11:45 Asia/Tashkent
Ўзбекистон отлиқлар федерацияси томонидан ташкил этилган отлиқларнинг иккинчи паради Тошкент шаҳрининг Амир Темур хиёбонида ўтказилди.
Парадда от спорти билан шуғулланувчи спортчилар, Ўзбекистон Давлат хавфсизлик хизмати Чегара қўшинлари, Ички ишлар вазирлиги ҳузуридаги Патруль-пост хизмати ва жамоатчилик тартибини сақлаш бош бошқармаси ҳамда Миллий гвардия фахрий қоровул кавалерия эскадрони батальони отлиқлари иштирок этди.
Отлиқлар парадида инглиз, немис, қирғиз, қорабайир ва фриз зотларига мансуб 100 дан ортиқ от қатнашди.
Ўзбекистон тарихида илк отлиқлар паради 8 июль куни бўлиб ўтган эди.
