«Манчестер Юнайтед»нинг собиқ ўйинчиси «Навбаҳор» футбол клуби тренери этиб тайинланди
-
футбол клуби
«Манчестер Юнайтед» инглиз клубининг собиқ ўйинчиси, Россия терма жамоаси аъзоси Андрей Канчельскис Наманганнинг «Навбаҳор» футбол клуби тренери этиб тайинланди.
Фарғона.ру сайтига кўра, Канчельскис 7 октябрь куни “Навбаҳор”нинг бош тренери сифатида расман таништирилган. У Илҳом Мўминжонов ўрнига келган.
Матбуот анжуманида Наманган вилоятида туғилган ва ҳозирда россиялик бизнесмен ҳисобланган Алишер Усмонов Канчельскиснинг тренер бўлиб сайланишига ҳеч қандай алоқаси йўқлиги таъкидланди. Лекин Наманган вилояти футбол ассоциациясининг вице-президенти Шамшод Сариқов Усмоновнинг спонсорлик қилишига умид билдиришини айтди.
49 ёшли мутахассисга россиялик Алексей Беленков кўмак беради. Клубнинг бошқа тренерлари ўз ўринларини сақлаб қолганлар.
8 октябрга кўра, «Навбаҳор» Ўзбекистон чемпионати рўйхатидан учинчи ўринни эгаллайди. У турнирда етакчилик қилаётган Тошкент «Локомотив»идан олти очко орқада.
