Ўзбекистон президенти Франция тадбиркорларини Ўзбекистонга фаол сармоя киритишга чақирдиl

Ўзбекистон президенти Шавкат Мирзиёев Франция компанияларини Ўзбекистонда инвестиция лойиҳаларини амалга оширишда фаол қатнашишга чақирди

Президент.уз сайтига кўра,Ўзбекистон Республикаси Президенти Шавкат Мирзиёев Франциянинг энг йирик компаниялари раҳбарлари билан учрашув ўтказди.

Унда “Тотал”, “Тотал Эрен”, “Орано”, “Фивс Штейн”, “Ранжис Семмарис”, «Винчи», «Суэц», «Сад», «Идемиа», «Мерсие», “Талес Аления Спейс”, Европа тикланиш ва тараққиёт банки, Франция тараққиёт агентлиги каби Европа ва жаҳон бозорида етакчи компаниялар, молиявий тузилмалар раҳбарлари иштирок этди.    

Учрашувда Ўзбекстонда хорижий инвесторлар учун кенг имкониятлар яратилаётгани таъкидланди. Улар фаолиятини рағбатлантириш ва ҳимоя қилиш учун зарур норматив-ҳуқуқий ҳужжатлар қабул қилинди. Бизнесни ривожлантириш йўлидаги турли тўсиқларга барҳам берилди, ташқи савдо ва божхона-тариф назорати сезирларли даражада қисқартирилди.