Ўзбекистон 206 мамлакат ичида 13-ўринни эгаллади

Аргентинанинг Буэнос-Айрес шаҳрида III ёзги ўсмирлар Олимпия ўйинлари якунланди.

Бугун мусобақанинг сўнгги кун баҳслари ўтказилди. Ўйинлар якунига кўра ўзбекистонлик ёш спортчилар томонидан умумий ҳисобда 16 та медаль қўлга киритилди. Уларнинг 5 таси олтин, 4 таси кумуш ва 7 та бронза медалларидир.

Мазкур ўйинларда Ўзбекистон терма жамоаси ўз позициясини янада яхшилади ва жаҳоннинг 206 мамлакати ичида 13-ўриндан жой олди. Бу орқали Ўзбекистон ўсмирлар Олимпия ўйинларидаги ўз рекордини янгилади.

Бу борада Ўзбекистон Осиёда бешинчи, МДҲда учинчи, Марказий Осиё давлатлари ичида биринчи бўла олди