Наманганлик аёл ўз танишини пичоқлади

Кеча Наманган вилоятинги Косонсой тумани яшовчиси ўз танишини пичоқ билан жароҳатлади.

ИИВ Жамоатчилик ва оммавий ахборот воситалари билан алоқалар бошқармасига кўра, 28 октябрь  куни Наманган вилоятининг Косонсой туманида яшовчи Ҳ.М. (исмли аёл) уйи олдида ўзаро жанжал сабаб қўшниси М.Ш. (исмли аёл)га пичоқ билан жароҳат етказган.

Натижада М.Ш. касалхонага ётқизилиб, Ҳ.М. ушланган. Ҳолат юзасидан жиноят иши қўзғатилиб, тергов ҳаракатлари олиб борилмоқда.