Шоҳжаҳон Эргашев 15-жангида рақибини 1-раундда нокаутга учратди

Профессионал боксда мағлубиятсиз одимлаётган ўзбекистонлик Шоҳжаҳон Эргашевнинг 15-жангида рақибини 1-раундда нокаутга учратди.

Дарё сайтига кўра, Эргашев ўзининг навбатдаги жангида америкалик Зак Рэмзига қарши рингга чиқиб, уни 1-раунддаёқ нокаутга учратди.

Маълумот учун, Зак шу кунгача профессионал рингда 12 та жанг ўтказиб, уларнинг 8 тасида ғалаба қозонган (4 таси нокаут эвазига). 4 та жангда мағлуб бўлганди (2 та нокаут).

Шоҳжаҳон эса профессионал боксдаги фаолияти давомида 14 та жанг ўтказиб, уларнинг барчасини ўз фойдасига ҳал қилганди. 13 та жангда у муддатидан олдин ғалаба қозона олганди.