“Внуково”да Ўзбекистондан келтирилган 13 партия гўшт ушланди

Россиянинг “Внуково” аэропорти божхона ходимлари Ўзбекистондан ветеринар сертификатсиз келтирилган 13 партия гўшт маҳсулотларини қўлга олишди.

Минтақадаги Россельхознадзор бошқармаси вакилининг журналистларга маълум қилишича, хавфли маҳсулотлар йўловчиларнинг қўл юкидан топилган. Йўловчилар ҳеч қандай керакли ҳужжатни тақдим этишолмаган.

Эслатиб ўтамиз, аввалроқ Россия Ўзбекистондан келаётган йўловчилар учун багажи ва қўл юкида ўсимлик маҳсулотларини олиб келишларига вақтинчалик чеклов ўрнатган эди.

• «Ўзбекистон ҳаво йўллари» авиакомпанияси Домодедово аэропортидан Внуково аэропортига кўчиб ўтди

• Иқтисодий сабабларга кўра "Ўзбекистон ҳаво йўллари" "Внуково"га ўтади