Сервер Жепаров: 14 кун давомидаги каратин осон бўлмади, аммо буни биргаликда уддаладик
Ўзбекистон миллий жамоасининг собиқ футболчиси Сервер Жепаров ва унинг ўғли Раул Жепаров 14 кунлик карантиндан кейин ўз уйларига қайтишди
Кун.уз сайтининг хабар қилишича, ўзбекистонлик футболчи инстаграмидаги саҳифасида махсус контейнердаги 14 кунлик ҳаёти ҳақида ёзди.
«COVID-19. Махсус жиҳозланган контейнердаги 14 кунлик карантин», - дея бошланади Жепаровнинг ижтимоий тармоқдаги пости.
Шахсий фикримча, контейнерлар карантинда яшаш учун зарур бўлган барча нарса билан жиҳозланган. 4 кишидан яшадик.
Карантиндаги 14 кун давомида бизга хизмат қилган ходимларга, таҳлилларни олган шифокорларга, кундалик ҳар қандай муаммоларимизни ҳал қилганлар – чинданам бу сиз томондан кўрсатилган қаҳрамонлик бўлди, барчаси учун чин қалбимдан миннатдорчилик билдириб қоламан.
