Тошкент шаҳрининг Сергели туманида жойлашган рахта омборхонасида ёнғин содир бўлди
июн 15, 2020 10:46 Asia/Tashkent
Кеча соат 18:40 да Тошкент шаҳрининг Сергели туманида жойлашган «Тошкент минтақавий пахта терминали» МЧЖга қарашли омборхонада ёнғин чиқди.
Ўзбекистон ФВВ хабарига кўра, Хонобод кўчаси 4-уйда жойлашган МЧЖнинг 1500 квадрат метр майдони ёнғин натижасида зарар кўрган.
Ёнғин қутқарув бўлимлари манзилга соат 18:45 да етиб борган ва кўрилган тезкор чоралар натижасида ёнғин соат 21:23 да тўлиқ бартараф этилган. Омборхонанинг 2100 метр квадрат майдони сақлаб қолинган деб Дарё хабар берган.
Ёнғин жойига 9 та махсус ёнғин ўчириш техникалари жалб қилинган. Ёнғин сабаблари ва ёнғиндан келтирилган моддий зарар миқдори аниқланмоқда.
