Одессада турк масжиди имомини тириклай кўмиб юборган Ўзбекистон фуқаролари 15 йилга қамалди
сентябр 04, 2020 16:51 Asia/Tashkent
Кеча Одесса вилояти Овидиопол туман суди уч нафар Ўзбекистон фуқаросига нисбатан ҳукм чиқарди. Ушбу фуқаролар 2017 йилда қилган жинояти учун 15 йилга озодликдан маҳрум этилган.
Дарё сайтининг хабар қилишича, суд қилган андижонлик фуқаролар 2017 йилда ўта оғир жиноятни содир этган: одам ўғирлаш, таъмагирлик, қасддан одам ўлдириш. Улар бир эркакни тириклай кўмиб юборган.
Ўлдирилган эркак Туркия фуқароси бўлган ва маҳаллий турк масжидида имом бўлиб ишлаган, шунингдек, бозорда матолар савдоси билан шуғулланган.
Одессадаги турк ҳамжамияти бу каби енгил ҳукмдан норози ва апрелляцияга мурожаат қилиш ниятида.
Украина қонунчилигига кўра, бу каби жиноятни содир этганлар умрбод қамоқ жазосига ҳукм этилади.
Ёрлиқ
