Украинани тарк этиши чоғида 3 ўзбекистонлик Польша чегарасида автоҳалокатга учради
-
Украинани тарк этиши чоғида 3 ўзбекистонлик Польша чегарасида автоҳалокатга учради
Украинадан эвакуация қилинаётган уч нафар ўзбекистонлик Польша чегарасида автоҳалокатга учраганини ЎЗбекистоннинг Киевдаги элчии хааорқилган.
Хабарга кўра, Ўзбекистоннинг уч фуқароси: Отабек Ҳакимов (2001 йилда туғилган), Беҳзод Ҳусаинов (2001 йилда туғилган) ва Шерзод Салоҳиддинов (2001 йилда туғилган) Польша чегарасига кираверишда автоҳалокатга учраган.
Фожиа натижасида Отабек Ҳакимов воқеа жойида вафот этган, қолган икки ўзбекистонлик Львовдаги шаҳар касалхонасига олиб борилган деб хабар қилган Кун сайти.
“Ушбу воқеаларни инобатга олиб, Ўзбекистоннинг Киевдаги элчихонаси зудлик билан элчихона кўнгиллилари гуруҳи вакили, малакали шифокор Темурбек Юсуповни Львовга жўнатди. Унинг Львовга келиши бугун 5 март куни кутилмоқда.
Отабек Ҳакимовнинг яқинларига ҳамдардлик билдирган ҳолда, жабрланган ватандошларнинг барча қариндошлари ва яқинларини ишонтириб айтамизки, элчихона уларнинг ҳаётини сақлаб қолиш, жумладан, дори-дармонлар билан таъминлаш ва Украинанинг етакчи шифокорлари билан маслаҳатлашиш учун барча саъй-ҳаракатларини амалга оширади”, дейилади элчи хабарида.
Билдирилишича, элчихона О. Ҳакимовнинг жасадини тез вақтда Ўзбекистонга жўнатиш бўйича саъй-ҳаракатларни амалга оширади.
