Ўзбекистон ва Қирғизистон инвестиция келишувларини ишлаб чиқишни тезроқ якунлаш бўйича келишувга эришди
-
Ўзбекистон ва Қирғизистон инвестиция келишувларини ишлаб чиқишни тезроқ якунлаш бўйича келишувга эришди
Ўзбекистон Инвестициялар ва ташқи савдо вазири Жамшид Ходжаев ва Қирғизистон Вазирлар Маҳкамаси раисининг ўринбосари Бахит Торобоев ўртасида учрашувда ўзбек-қирғиз чегараолди ҳудудида қуввати 6,7 МВт бўлган Когарт кичик гидроэлектр станцияси қурилишини маълум қилинди.
Видеоконференция шаклида бўлиб ўтган учрашувда чегараолди ҳудудда Саноат кооперацияси марказини ташкил этиш, тўқимачилик мажмуаси ва Когарт кичик гидроэлектр станциясини қуриш масалалари кўриб чиқилди. Томонлар инвестиция келишувлари тўпламини ишлаб чиқишни имкон қадар тезроқ якунлаш бўйича келишувга эришишди.
Ўзбекистон ва Қирғизистон расмийлари қуйидаги ҳамкорликка келишиб олишди:
Озиқ-овқат ва уруғлик картошка етиштиришни ташкил этиш;
Чорвачилик комплексларини яратиш;
Қишлоқ хўжалиги маҳсулотлари, иссиқхоналар учун ускуналар ва жун маҳсулотлари ишлаб чиқариш учун хомашё етказиб бериш.
Шунингдек, транспорт ва логистика соҳасидаги ҳамкорлик соҳасида йўловчи автобуслари ва темир йўл ташишларини қайта тиклаш, икки давлат ўртасидаги авиақатновлар сони ҳам кўпайтирилади.
Қолаверса, томонлар “Иркештам - Дароот - Қўрғон - Уч-Қўрғон” автомобил йўлини қуриш имкониятларини муҳокама этиб, ушбу йўналишда барча зарур чораларни кўришга тайёр эканликларини билдиришди.
