Қатар амири Самарқандга етиб келди

Қатар Амири шайх Тамим бин Ҳамад Ол Соний давлат ташрифи билан Ўзбекистонга келди. Уни Самарқанд аэропортида президент Шавкат Мирзиёев кутиб олди.

Қатар Амири шайх Тамим бин Ҳамад Ол Соний 5 июнь куни давлат ташрифи билан Ўзбекистонга келди.

Самарқанд аэропортида Қатар амирини бу ерга аввалроқ келган Ўзбекистон президенти Шавкат Мирзиёев кутиб олди.

Олий мартабали меҳмон шарафига икки давлатнинг давлат байроқлари кўтарилиб, фахрий қоровул саф тортди.

Давлат раҳбарлари шоҳсупага кўтарилдилар. Миллий қўшиқ ва рақслар ижросида тантанали маросим бўлиб ўтди.

Ташрифнинг асосий тадбирлари 6 июнга белгиланган. Бугун икки давлат раҳбарлари Самарқанднинг диққатга сазовор жойларини зиёрат қиладилар.

• Шавкат Мирзиёев Самарқандда Қатар амирини кутиб олди(фотожамланма)