Мирзиёев “Nebras Power” компанияси бошқаруви раиси ва Қатар инвестициялар агентлиги директори билан учрашди
-
Мирзиёев “Nebras Power” компанияси бошқаруви раиси ва Қатар инвестициялар агентлиги директори билан учрашд
Ўзбекистон президенти Қатарга ташрифи давомида бу мамлакатнинг айрим юқори мартабали шахситлари билан учрашиб мулоқот қитлди.
Шавкат Мирзиёев 1 октябрь куни Доҳа шаҳрига келгач, “Nebras Power” компанияси бошқаруви раиси Муҳаммад ал-Ҳажрий билан учрашди.
Ўзбекистон президенти матбуот хизматига таяниб Спутник сайтининг хабар қилишича, “Nebras Power” – Қатарнинг етакчи энергетика корпорацияси. Компания ўндан зиёд мамлакатда йирик лойиҳаларни амалга оширган.
Учрашувда энергетика соҳасида, энг аввало, муқобил энергетикада янги лойиҳаларни илгари суриш бўйича ўзаро манфаатли ҳамкорликни ривожлантиришнинг амалий жиҳатлари кўриб чиқилди.
Шавкат Мирзиёев Сирдарё вилоятида Қатар компанияси иштирокида буғ-газ технологиялари асосида қуввати 1,6 ГВт бўлган замонавий электр станцияси қурилиши лойиҳасини амалга ошириш бошланганини мамнуният билан қайд этди.
Сурхондарё вилоятида иссиқлик электр станциясини барпо этиш лойиҳаси доирасида тайёргарлик ишлари якунланмоқда.
Тошкент вилоятида 600 МВт қувватли энергия сақлаш тизимларини яратиш ҳамда Қорақалпоғистонда 1 ГВт қувватли шамол электр станциясини ишга тушириш бўйича қўшма режалар муҳокама қилинди.
Ўзбекистон ва Қатар ўртасида узоқ муддатли шериклик дастурини қабул қилиш, унга, энг аввало “яшил” энергетикага доир истиқболли лойиҳаларни киритиш юзасидан келишувга эришилди.
Қатарга давлат ташрифининг ишбилармонлик дастури доирасида Шавкат Мирзиёев Қатар инвестициялар агентлиги директори Бандар бин Сауд Ол Соний билан ҳам мулоқот қилди.
