Ироқда қидирувда бўлган 4 нафар ИШИД террорчиси қўлга олинди

Ироқнинг терроризмга қарши кураш агентлиги қидирувдаги тўрт ИШИД террорчиси қўлга олинганини эълон қилди.

2017 йилда уч йиллик жанглардан сўнг Ироқ “ИШИД” террорчилик гуруҳи устидан ғалаба қозонганини эълон қилди.

Аммо бу террорчи гуруҳнинг тарқоқ унсурлари ва тармоқлари Дияла, Киркук, Ниневия, Салоҳиддин, Анбар ва Бағдод вилоятларининг айрим ҳудудларида ҳамон фаол.

Эрон телерадиокомпаниясининг ўзбек тилидаги сайтнинг хабар қилишича, Ироқ Ички ишлар вазирлиги бугун эълон қилган баёнотида:Бу мамлакатнинг терроризмга қарши кураш агентлиги Эрбил, Сулаймония ва Киркук вилоятларида қидирувдаги тўрт нафар террорчини, жумладан портловчи моддалар бўйича мутахассис бўлган ИШИД қўмондонларидан бирини қўлга олди.

Ироқ Ички ишлар вазирлиги баёнотида, Сулаймония вилоятининг Базиан ва Жамжамал минтақасида Сулаймония вилояти Террорга қарши кураш полки ҳамкорлигида икки террорист қўлга олинди.

Ушбу хабарга кўра, Ироқ ҳарбий кучлари томонидан ўтказилган қатор операцияларда Киркук вилоятида яна бир террорчи қўлга олинган.

Ироқ Ички ишлар вазирлиги ушбу баёнотда қўшимча қилди:Ироқ халқининг хавфсизлиги ва тинчлигини таъминлаш мақсадида террорга қарши кураш кучларининг махсус ва тезкор операциялари кечаю кундуз давом этмоқда.

Шунингдек, Ироқ армиясининг разведка вазирлиги бугун, душанба куни берган баёнотида, 10-дивизия разведка бошқармаси Арбаин бўлими кучлари билан ҳамкорликда Анбар вилоятида 6 нафар террорчини қўлга олганини маълум қилди.

Армия кучлари ва Ҳашд аш-Шаби (Ироқ халқ сафарбарлик кучлари) ИШИД ва унинг қочқин унсурлари қайта пайдо бўлмаслиги учун бутун мамлакат бўйлаб ИШИД қолдиқларини қидириш, тозалаш ва таъқиб қилишда давом этмоқда.