Ҳизбуллоҳ сионист пиёда кучларига ҳужум қилди
Ливаннинг Ҳизбуллоҳ ҳаракати “Ҳонин” ҳарбий қароргоҳида жойлашган сионист пиёда қўшинлари нишонга олингани ва натижада бир неча киши жароҳатланганини эълон қилди.
Эрон телерадиокомпанпиясининг ўзбек тилидаги сайтининг хабар қилишича, Ливаннинг Ҳизбуллоҳ ҳаракати бугун эълон қилган баёнотида таъкидлаган:сионист пиёда қўшинлари “Ҳонин” (Рамим) штаб-квартирасини нишонга олдик ва натижада бир неча киши жароҳатланди.
Бу қаршилик ҳаракати ҳам бир неча соат олдин босиб олинган Шаба далалари ва Кафр Шоба баландликларида жойлашган Ройсат Ал Аламдаги сионистларнинг позицияларини ракеталар ва мос қуроллар билан нишонга олганини эълон қилди.
Ҳизбуллоҳ, шунингдек, бугун тушдан кейин сионист ҳарбийларга тегишли “Ал-Обод” штаб-квартираси бошқариладиган ракеталар билан нишонга олингани, бу вақтда сионистларнинг техник жиҳозларининг бир қисми йўқ қилингани ҳақида хабар берди.
Ҳизбуллоҳ бош котиби ўринбосари Шайх Наим Қосим бугун маълум қилди:Бизнинг жанубий чегаралардаги ҳозирги амалиётимиз мавжуд вазият ва можароларга мос қадам бўлиб, керак бўлса, ҳужумларимизни янада кучайтирамиз.
Бошқа хабарга кўра, сионистлар армияси бугун (шанба) оқшом Ливан жанубидаги Ярон шаҳри ва қишлоқларига фосфорли бомбалар билан ҳужум қилди.
Бу борада Ливандаги Ҳизбуллоҳ бош котибининг ўринбосари Наим Қосим шундай деди:Қаршилик душманлари унинг имкониятларидан жуда қўрқишади ва шунинг учун улар ҳалокатга қадам қўймоқда.
