Шафа касалхонаси ичида босқинчиларнинг золимона ҳаракатлари
-
Шафа касалхонаси ичида босқинчиларнинг золимона ҳаракатлари
Шафа касалхонаси ичидаги баъзи манбалар босқинчилар шифохона ичидаги дори-дармон ва тиббий асбоб-ускуналар омборини портлатганини маълум қилди.
Ал Жазеера тармоғига кўра, бу манбалар қўшимча қилишларича, ишғолчилар шифохонани тинтув қилиб, кўздан кечирган ва унда бўлганларни сўроқ қилган. Касалхона ҳудудида сионистик режим танклари мавжуд. Сионистик режим аскарлари фаластинликларни таслим бўлишга чақирди. Сионистлар бир қанча қочқинлар ва шаҳидлар оилалари ва ярадорларни ҳибсга олдилар.
Бу манбалар айтишди:Босқинчилар шифохона ичидаги дори-дармон ва тиббий жиҳозлар омборини портлатиб юборган.
Сионистик режим хавфсизлик хизмати ходими режим армияси радиоси билан суҳбатда шундай тан олди:Асирларнинг касалхонада мавжудлиги ҳақида ҳеч қандай белгилар йўқ.
Сионистлар Ҳамаснинг штаб-квартираси Шафа касалхонаси қошида эканлигини ва бу ҳаракат бу касалхонадан ҳарбий мақсадларда фойдаланаётганини даъво қилишган эди.
Айни пайтда, Ғазо маркази ва жанубида аввал хавфсиз деб даъво қилган ҳудудларни бомбардимон қилган сионист аскарларнинг ҳужуми натижасида Ғазо Шафа шифохонаси казармага айлантирилди.
“Ал-Маядин” мухбирининг хабар беришича, сионист босқинчилар Шафа касалхонасини ҳарбий казармага айлантириб, бу шифохонанинг турли қисмларига ҳужум қилган. Босқинчилар ушбу шифохонага ётқизилган бир қатор ярадорларга тиббий хизмат кўрсатишга тўсқинлик қилмоқда.
Оврўпо-Ўртаер денгизи инсон ҳуқуқлари ташкилоти ҳам сионистик режим Ғазодаги Шафа касалхонаси биноларини фаластинликлар учун қамоқхонага айлантирганини эълон қилди.
Ушбу халқаро ташкилот таъкидлади: Биз сионистик режимнинг ушбу тиббиёт марказига ҳужумидан кейин Шафа касалхонаси ичидаги отишма билан бир вақтда фаластинликларнинг ўлдирилишидан хавотирдамиз.
Жаҳон Қизил Хоч ташкилоти ҳам Шафа касалхонасига сионистлар ҳарбий ҳужумидан хавотир билдирди.
Бошқа томондан, араб журналисти Алам ас-Сабаҳ таъкидлади:сионист босқинчилар аввалроқ Ғазо аҳолисидан ушбу секторнинг марказий ва жанубий ҳудудларига боришни сўраган эди, энди эса бу ҳудудларни бомбардимон қилмоқда.
Шафа касалхонасининг тез ёрдам бўлими бошлиғи ҳам ушбу шифохонанинг аянчли ҳолати ҳақида шундай деди:Касалхона ичидаги вазият ҳалокатли ва ҳар куни кўпроқ одамлар шаҳид бўлмоқда. Сионист душман кўплаб қочқинларни ҳибсга олиб, уларни яланғоч, кўзлари боғланган ҳолда номаълум жойга олиб кетди. Босқинчилар касалхонага киришнинг кўп қисмини портлатиб юборишган ва шрапнель касалхонада бўлган одамларга тегиб кетган.
Шафа касалхонаси менежери қўшимча қилди: Тиббиёт ва даволаш ходимлари жароҳатланганларнинг ҳаётини сақлаб қолиш учун курашмоқда. Босқинчи душман фақат вайронагарчиликни келтириб чиқарди. Жасадлар парчаланиб кетгани учун биз уларни ҳозирча ҳаракатга келтира олмадик.
Ғазодаги ҳукумат ахборот идораси ҳам эълон қилди:Шафа касалхонасига ҳужум қилиш ва унинг ичида отишма уруш жинояти ҳисобланади. Сионистик режимнинг хавфсиз ўтиш ҳақидаги ёлғонлари ифлос ташвиқот ва асоссиз даъволардир.
Шунингдек, Ғазодаги ҳукумат ахборот идораси шундай деди:Босқинчи армия Шафа касалхонасини тарк этмоқчи бўлган кўплаб оилаларни қатл қилди. Сионистлар армияси 30 дан ортиқ одамни шаҳид қилди.
Ғазодаги шифохоналар бош директори ҳам шундай эълон қилди:Босқинчилар Ғазодаги касалхонадан болалар ва беморларни ҳайдаб чиқардилар. Биз беморлар ва тиббиёт ходимларининг ҳаёти учун босқинчиларни жавобгар деб ҳисоблаймиз. Биз беморларни Мисрга ўтказмоқчимиз. Ёқилғи зудлик билан барча касалхоналарга киришини истаймиз.
У қўшимча қилди:Босқинчилар беморлар ва уларнинг ҳамроҳлари ва тиббиёт ходимларини 10 соат давомида сўроқ қилишди. Касалхона ходимлари ваҳима ичида.
