Сенатор Мёрфи АҚШнинг Эронга қарши санкцияларини намойишкорона ҳаракат деб атади

Демократ сенатор АҚШ ҳукуматининг Эронга қарши янги санкцияларини намойишкорона ҳаракат ва бўш гап-сўзлар, деб баҳолаб, Трампнинг Эронга қарши урушдаги мақсадларидан бирортаси ҳам амалга ошмаганини айтди.

Парч Тудей хабарига кўра, АҚШнинг демократик сенатори Крис Мёрфи  X ижтимоий тармоғида АҚШнинг Эронга қарши янги санкциялари ҳақида ёзди: «“D куни” [операция бошланган кун] — умидсиз бир намойишдир. Эрон урушда ғалаба қозонмоқда, Трамп эса мағлуб бўлмоқда. Америкаликлар эса жуда-жуда катта товон тўламоқда. Келинг, қаерда турганимизни ва нима учун бу санкциялар яна бир аҳмоқона ҳаракат эканини кўриб чиқайлик».

Крис Мёрфи қўшимча қилди: Аввало, Трампнинг урушдаги мақсадларидан бирортаси ҳам амалга ошмаганини эслайлик. Эрондаги тузум дахлсиз ва барқарор ҳолда қолмоқда. Улар ҳали ҳам ўз ракеталари, учувчисиз учиш қурилмалари ва ядровий дастурига эга. Улар ҳатто бизни масхара қилиб, янги ракета объектларига ташриф буюрмоқда.

Мёрфи таъкидлади: Бундан ҳам ёмони, Эрон урушдан олдин бўғозни [Ҳурмуз] назорат қилмас эди. Энди эса уни назорат қилмоқда. Форс кўрфази орқали қатнов чекланган ва ҳар қандай кема фақат АҚШ солиқ тўловчилари маблағлари ҳисобидан молиялаштириладиган бир миллиард долларлик кузатув миссияси орқали ҳаракатланиши мумкин. Бу фалокатдир. Бензин нархи ҳамон юқори.