Теҳронда содир этилган террорчилик ҳаракатлари жаҳон миқёсида кенг кўламда қораланмоқда 

Теҳронда содир этилган террорчилик ҳаракатлари жаҳон миқёсида кенг кўламда қораланмоқда 

Бугун Теҳронда содир этилган террорчилик ҳаракатлари жаҳон миқёсида кенг кўламда қораланмоқда. Европа иттифоқининг ташқи сиёсат бўйича масъули Теҳрондаги террорчилик ҳужумларига муносабат билдириб, ушбу ҳодисани кўнгилсиз дея атади. Россия Федерацияси кенгашининг хавфсизлик ва мудофаа ишлари бўйича комиссия раисининг ўринбосарига кўра, Эрон Теҳронда юз берган террорчилик ҳужумларига кескин жавоб қайтаради. Форс ахборот агентлиги тарқатган хабарга биноан, Европа иттифоқининг ташқи сиёсат ишлари бўйича масъули Федерико Могерени бугун чоршанба куни Теҳронда Парламент биносига ва Эрон ислом жумҳуриятининг асосчиси Имом Хумайни (ра)нинг пок ҳарамларига уюштирилган террорчилик ҳужумга муносабат билдириб шундай айтдики, Эрон ташқи ишлар вазири билан боғланиб ушбу ҳужум ҳақидаги хабарларни диққат билан кузатиб боради. 

Шунингдек, Европа парламенти раиси ҳам Теҳронда рўй берган террорчилик ҳодисасидан сўнг Эрон парламенти раиси ва Эрон халқи билан бирга эканлигини маълум қилди. Ирна агентлигининг хабар қилишича, Европа парламенти раиси Антонию Тажаний ўзининг Твиттер саҳифасида шундай ёздики, Эрон ташқи ишлар вазирлиги билан боғланиб Теҳрондаги террорчилик ҳаракатларини ўрганиб чиқади. Европа иттифоқининг ташқи сиёсати бўйича масъули Федерико Могерини ҳам ўзининг твиттер саҳифасида бугун Теҳронда содир этилган террорчилик ҳужумлари ҳақида ўз муносабатини билдириб шундай айтдики, бугун яна бир ғамгин кундир. Шунингдек, Европа парламенти социалистлари ва демократлар гуруҳи ҳам твиттер саҳифасида Теҳрондаги террорчилик ҳаракатларини кескин қоралади ва Эрон халқи билан бирдамликни маълум қилди.

Италия ташқи ишлар вазири ҳам Теҳрондаги террорчилик ҳужумларига муносабат билдириб террорчиларга қарши узоқ муддатли стратегия қабул қилинишини таъкидлади. Исна агентлигининг хабарига кўра, Ливан парламенти раиси Исломий инқилоб муаззам раҳбари Оятуллоҳ Хоманаий ҳазратларига ва Эрон президенти Ҳасан Руҳонийга ҳамда Эрон парламенти раиси Али Лорижонийга мурожаат йўллаб бугунги Теҳронда юз берган террорчилик ҳужумларини кескин қоралаб шундай айтдики, ушбу жиноятлар Эроннинг террорчиларни йўқ қилиши учун азму қарорини янада кучайтиради. 

Шунингдек, шайх Али Ёсин Омелий бошчилигидаги Ливан Сур уламолари жамияти Эрон парламентига ва Имом Хумайни (ра)нинг пок ҳарамларига уюштирилган ҳужумни кескин қоралади ва шундай маълум қилдики, Ливан давлати ва халқи ҳар доим Эрон ислом жумҳуриятининг хомийси бўлади. Туркия ташқи ишлар вазирлиги ҳам Теҳрондаги мазкур террорчилик ҳаракатларини қоралади. Ирна агентлигининг ал-Миёдин телеканалига таяниб хабар қилишича, Туркия ташқи ишлар вазирлиги ўз баёнотида Теҳронда содир этилган террорчилик ҳужумларини қоралади ва Эрон давлатига ва халқига ҳамдардлик билдирди.