Путин: ИШИД террорчилик гуруҳи Марказий Осиёда вазиятни издан чиқариш режасини тузмоқда
Россия президенти Владимир Путин "ИШИД" террорчилик гуруҳи Марказий Осиё ва Россия жанубида вазиятни издан чиқариш бўйича режа тайёрлаётганини маълум қилди
Путин Петербургдаги терактлардан кейин олиб борилган тергов жараёнида ташкилотга аъзо мамлакатлар ҳудудларида ИШИДнинг яширин гуруҳлари фаолият олиб бораётгани маълум бўлганини айтган.
ТОШКЕНТ, 9 июн — Sputnik. Россия президенти Владимир Путин "ИШИД" террорчилик гуруҳи Марказий Осиё ва Россия жанубида вазиятни издан чиқариш бўйича режа тайёрлаётганини маълум қилди, деб хабар бермоқда РИА Новости.
Остонада бўлиб ўтаётган ШҲТ саммитида Путин Петербургдаги терактлардан кейин олиб борилган тергов жараёнида ташкилотга аъзо мамлакатлар ҳудудларида ИШИД террорчилик гуруҳининг яширин гуруҳлари фаолият олиб бораётгани маълум бўлганини айтган."Биздаги маълумотларга қараганда, ИШИД террорчилик гуруҳи Марказий Осиё ва Россия жанубида вазиятни издан чиқариш бўйича режа тайёрламоқда. ШҲТнинг махсус хизматлари, хусусан минтақавий антитеррор тузилмасининг ўзаро ҳамкорлигини мустаҳкамлаш лозим", — деган Путин.